وتاندىق كومپوزيتور, Orda جەنە Ninety One توپتارى مەن كٶپتەگەن وتاندىق ەنشٸلەردٸڭ ورىنداۋىنداعى ەندەردٸڭ اۆتورى سەرجان باقىتجانۇلى دٷنيەدەن وزدى. قارالى حاباردى ونىڭ جاقىن دوسى, ەنشٸ داستان ورازبەكوۆ ەلەۋمەتتٸك جەلٸدەگٸ پاراقشاسىندا جەتكٸزدٸ, دەپ حابارلايدى ult.kz.
«بٷگٸن ٶمٸردەن مەنٸڭ دوسىم, سىرلاسىم, ەرٸپتەسٸم, اقىلداساتىن كەڭەسشٸم, ٶنەر جولىن بٸرگە كەشكەن اياۋلى ازامات – سەرجان باقىتجانۇلى ٶتتٸ», – دەپ جازدى داستان ورازبەكوۆ.
سەرجان باقىتجانۇلىنىڭ قالامىنان Orda توبىنىڭ «قيلى زامان», «عاشىقسىڭ با?», «جاۋاپ بەر», «تاعدىر» سەكٸلدٸ ەندەرٸ تۋعان. سونداي-اق ول Ninety One توبىنا ارناپ شىعارمالار جازىپ, داستان ورازبەكوۆتٸڭ ورىنداۋىنداعى «كٶك اسپان» ەنٸنٸڭ اۆتورى اتاندى.
داستان ورازبەكوۆ كومپوزيتوردىڭ تۋىندىلارى ونىڭ ەسٸمٸن ەل جادىندا مەڭگٸ ساقتايتىنىنا سەنٸم بٸلدٸردٸ.
«سەنٸڭ جازعان ەندەرٸڭ ەسٸمٸڭدٸ مەڭگٸلٸككە قالدىرادى. حالىقتىڭ جٷرەگٸنەن ورىن العان شىعارمالارىڭ ەل اۋزىندا ەلٸ تالاي جىل ايتىلادى», – دەدٸ ەنشٸ.
ول سەرجان باقىتجانۇلىن جومارت مٸنەزدٸ, كەڭ جٷرەكتٸ ەرٸ تەرەڭ ويلى ازامات رەتٸندە ەسكە الدى. ەنشٸنٸڭ سٶزٸنشە, كومپوزيتورمەن ەربٸر كەزدەسۋ مەن ەڭگٸمە ٶزٸنە ەرەكشە رۋحاني ەسەر سىيلاعان.
داستان ورازبەكوۆ مارقۇمنىڭ وتباسى مەن تۋعان-تۋىستارىنا كٶڭٸل ايتىپ, ونىڭ جانى جەنناتتا بولۋىن تٸلەدٸ.
