قازاقستاندىق تانىمال اكتەر فارحات ەبدٸرايىموۆ 55 جاسىندا قايتىس بولدى. قارالى حاباردى «قازاقفيلم» كينوستۋديياسى راستادى.
«ٶكٸنٸشكە وراي راس اقپارات. ول گرۋزييادا تٷسٸرٸلٸمدە بولعان ەدٸ. ٶلٸم سەبەبٸ – ينفاركت», - دەپ حابارلادى «قازاقفيلم».
ال, قازاقستان مەدەنيەت مينيسترلٸگٸنٸڭ باسپاسٶز قىزمەتٸ ەرتٸستٸڭ گرۋزييادا "بولشە, چەم ليۋبوۆ" فيلمٸنٸڭ تٷسٸرٸلٸمٸ كەزٸندە قايتىس بولعانىن ايتتى.
اكتەردٸ اقتىق ساپارعا شىعاراتىن كٷن مەن ورىن قوسىمشا حابارلانباق.
فارحات ەبدٸرايىموۆ 1966 جىلى 21 قاڭتاردا الماتى قالاسىندا تۋعان. الماتى تەحنولوگييالىق ۋنيۆەرسيتەتٸن بٸتٸرگەن.
ونىڭ كينوداعى دەبيۋتٸ 1996 جىلى قازاقستان مەن رەسەي بٸرلەسٸپ تٷسٸرگەن "كٸمنٸڭ جانى نەزٸك بولسا" فيلمٸندەگٸ رٶلٸ بولدى. وسى رٶلٸ ٷشٸن ول "1996 جىلدىڭ ٷزدٸك اكتەرٸ" رەتٸندە رەسەيدٸڭ كينو باسىلىمىنىڭ سىيلىعىن الدى.
1999 جىلى ەبدٸرايىموۆ "فارا" فيلمٸندە باستى رٶلدٸ سومداپ, حالىقارالىق مەسكەۋ كينوفەستيۆالٸندە ٷزدٸك ەر ادام رٶلٸ جٷلدەسٸنە يە بولدى.
1999 جىلدان ش.ايمانوۆ اتىنداعى «قازاقفيلم» اق-نىڭ اكتەرٸ.
2000 جىلى "التىن ادام" بايقاۋىندا ەرتٸس "جىل كينوجۇلدىزى" اتاندى. XXI حالىقارالىق «سۆياتوي گەورگيي پوبەدونوسەتس» كينوفەستيۆالٸنٸڭ گران-پري جٷلدەسٸن جەڭٸپ العان.
2003 جىلى قازاقستان پرەزيدەنتٸنٸڭ قۇرمەت گراموتاسىمەن ماراپاتتالعان ول قازاقستان كينەماتوگرافيستەر وداعىنىڭ مٷشەسٸ بولدى.
«شانحاي», «اقسۋات», «ومپا», «ماحاببات تەلكەگٸ», «سيقىرشى دەمەۋشٸ», «جەل ادام», «فرانتسۋز قۇرباقاسىنان ەزٸرلەنگەن بورشش», «شەكارا», «جان جٷرەگٸم - استانا», «پاراللەل ەلەم», «گەيزەر», «ٷش ليمون», «باتىر», «ەڭ سۇلۋ» سىندى فيلمدەرگە تٷسكەن.
