كتك تەلەارناسىنىڭ ۆيدەوسىنان كادر
الماتى وبلىسىندا جويقىن جارىلىس سالدارىنان بٸر وتباسى ٷيٸندٸ استىندا قالدى. وقيعا ٸلە اۋدانىنا قاراستى ەكپٸندٸ اۋىلىندا بولعان, دەپ حابارلايدى Ult.kz كتك ارناسىنا سٸلتەمە جاساپ.
تاڭعى ۋاقىتتا بولعان دٷمپۋ سالدارىنان جەكە تۇرعىن ٷي تولىقتاي قيراپ, ٷي ٸشٸندە بولعان ەيەل مەن ونىڭ ٷش ۇلى اۋىر جاراقات الدى. بارلىعى جەدەل تٷردە اۋرۋحاناعا جەتكٸزٸلٸپ, دەرٸگەرلەر ولاردىڭ جاعدايىن تۇراقتى اۋىر دەپ باعالاپ وتىر. زارداپ شەككەندەرگە كٷيٸك, سىنىق جەنە باسسٷيەك-مي جاراقاتى دياگنوزدارى قويىلعان.
ٷي يەسٸ سامات جايىلحانوۆ جارىلىس كەزٸندە سىرتتا بولعان. ونىڭ ايتۋىنشا, وقيعا تاڭعى ساعات بەستەر شاماسىندا, ۇلى اس دايىنداماق بولعان سەتتە ورىن العان. گاز قوسىلىپ, سٸرٸڭكە تۇتاندىرىلعان كەزدە قاتتى جارىلىس بولعان.
جارىلىستىڭ كۋەسٸ بولعان ازامات بٸردەن قيراعان ٷيگە قاراي جٷگٸرٸپ, ٷيٸندٸ استىندا قالعان جۇبايىن ٶزٸ شىعارىپ العان. كەيٸن كٶرشٸلەر كٶمەككە كەلٸپ, بالالاردى قۇتقارۋعا اتسالىسقان.
كۋەگەرلەردٸڭ سٶزٸنشە, جارىلىستىڭ كٷشٸ سونشالىق — ماڭايداعى ٷيلەردٸڭ تەرەزەلەرٸ سىنعان. اۋىل تۇرعىندارى گاز قۇبىرلارىنىڭ تۇرعىن ٷيلەرگە تىم جاقىن ورنالاسقانىنا الاڭداۋلى.
وقيعادان كەيٸن «الماتىگازسەرۆيس-حولدينگ» كومپانيياسى جەر استىنداعى گاز قۇبىرىنان اقاۋ انىقتالعانىن حابارلادى. ماماندار گازدىڭ سىرتقا شىعىپ جاتقانىن تٸركەپ, اپاتتىق جۇمىستار جٷرگٸزگەن. الايدا دەل وسى اقاۋ جارىلىسقا سەبەپ بولدى ما, جوق پا — ەزٸرگە ناقتى ايتىلمايدى.
قازٸرگٸ ۋاقىتتا وقيعانىڭ مەن-جايى جان-جاقتى تەكسەرٸلٸپ جاتىر.
جارىلىستان كەيٸن باسپانادان تەك ٸرگەتاسى عانا قالعان. ٷي تولىق قيراپ, جارامسىز كٷيگە تٷسكەن.
اۋىل تۇرعىندارى زارداپ شەككەن وتباسىعا كٶمەك كٶرسەتۋگە جۇمىلىپ, قارجى جيناي باستاعان. جەرگٸلٸكتٸ بيلٸك تە ماتەريالدىق قولداۋ كٶرسەتٸلەتٸنٸن مەلٸمدەدٸ. رەسمي مەلٸمەتكە سەيكەس, ٶتەماقى الۋ ٷشٸن زارداپ شەككەندەر ٷش اي ٸشٸندە ٶتٸنٸش بەرۋٸ تيٸس.
