«تاڭبالى تاس» مەملەكەتتٸك تاريحي-مەدەني جەنە تابيعي قورىق مۋزەيٸنە كەلگەن تۋريستٸ كٸرۋ ٷشٸن الىناتىن اقى مەن قويىلعان قورشاۋ تاڭعالدىردى. سونىمەن قاتار ول جۇمىس ٸستەمەيتٸن ەجەتحاناعا شاعىمداندى, دەپ حابارلايدى قازاقپارات.
«2022 جىلدىڭ 27 ناۋرىزىندا ٸلە ٶزەنٸنە جاقىن ورنالاسقان تامعالى-تاسقا باردىم. بۇل جەرگە جىل سايىن كەلٸپ تۇرامىن. كەشە قويىلعان قورشاۋ مەن كٸرۋ ٷشٸن الىناتىن اقى (ادام باسىنا 500 تەڭگە) مەنٸ تاڭعالدىرىپ, جاعىمسىز ەسەر قالدىردى.
ۇسقىنسىز كابينادان شىققان بٸر ادام ٶزٸن تانىستىرماي, جەكە كۋەلٸگٸ مەن بەيدجٸن كٶرسەتپەستەن كٸرۋ اقىسىن تالاپ ەتتٸ. الايدا, ونىڭ قولىندا تٶلەماقى الۋ قۇقىعىن بەرەتٸن قۇجاتى بولدى. ول ماعان فيسكالدى تٷبٸرتەك بەرگەن جوق. سەبەبٸن ەلەكتر مەن ينتەرنەت جوق دەپ تٷسٸندٸردٸ. ماعان بيلەت ۇسىندى. سونىمەن قاتار, ول ماعان تٷبٸرتەكتٸ ۇزىناعاشتاعى كومپانييانىڭ كەڭسەسٸنەن بارىپ الۋدى ۇسىندى», - دەپ جازادى Facebook قولدانۋشىسى.
ونىڭ ايتۋىنشا, بارلىق عيمارات, سونىڭ ٸشٸندە ينسپەكتور وتىراتىن كٷزەت ورنى, دەرەتحانا (جۇمىس ٸستەمەيدٸ), قورشاۋى قورىققا ساي بولۋى كەرەك.
قورىق-مۋزەيٸنٸڭ باسپاسٶز قىزمەتٸ ەر پۋنكت بويىنشا جاۋاپ بەردٸ.
«فيسكالدى تٷبٸرتەك بويىنشا, بٸز تٷبٸرتەكتەردٸ قاجەت ەتەتٸندەردٸڭ بارلىعىنا بەرەمٸز. ٶكٸنٸشكە وراي, سول كٷنٸ ول جەردە كاسسا اپپاراتى جۇمىس ٸستەمەدٸ. ال بۇل كٸسٸلەرگە ەكٸ بيلەت ۇسىنىلدى. باعاسى جازىلعان پرەيسكۋرانت كٶرسەتٸلدٸ. بٸزدٸڭ قىزمەتكەر قوناقتارعا ۇزىناعاشتاعى كەڭسەگە بارىپ تەكسەرۋدٸ ۇسىنعان جوق. ول كەڭسەگە قوڭىراۋ شالىپ, چەكتٸ ەلەكتروندى تٷردە الا الاتىنىن ايتتى. سونداي-اق اۋماققا كٸرۋ باعاسى 2018 جىلدان بەرٸ 500 تەڭگە.
كٶلٸككە كەلەر بولساق, بۇل ترانزيتتٸك جول. اۋىل شارۋاشىلىعى قىزمەتكەرلەرٸ مەن تٶتەنشە جاعدايلار مينيسترلٸگٸنٸڭ ماماندارىن كٸرگٸزبەۋگە قاقىمىز جوق.
دەرەتحانا بويىنشا, ول ەلٸ تولىقتاي ٸسكە قوسىلمادى. سەبەبٸ, سۋ مەن جارىق تارتىلعان جوق. ونىمەن جۇمىس ٸستەپ جاتىرمىز.
اۋماقتى جابدىقتاۋ جوسپاردا بار. الايدا ونى بٸر اپتادا جٶندەي المايمىز, سەبەبٸ قارجىلىق شىعىن وڭاي ەمەس. مۋزەيگە كٸرۋگە الىناتىن سول 500 تەڭگە نىساندى اباتتاندىرۋعا كەتەدٸ: ەكتەۋگە, سىرلاۋعا, تازالاۋعا», - دەپ جاۋاپ بەردٸ مۋزەيدەن.
سونداي-اق قورىق-مۋزەيٸنە ايىنا ورتا ەسەپپەن 10-20 ادام كەلەتٸنٸ ايتىلدى. بىلتىر مۇندا 1500-گە جۋىق تۋريست كەلگەن.
