فوتو: basnews.kz
تامىز ايىندا قازاقستاندا بٸرنەشە ماڭىزدى كەسٸبي مەرەكەلەر اتاپ ٶتٸلەدٸ. اتاپ ايتساق, كٶلٸك قىزمەتكەرلەرٸ كٷنٸ, قۇرىلىسشى كٷنٸ, شەكاراشىلار جەنە شاحتەر كٷندەرٸ تويلانادى. بۇل تۋرالى Ult.kz حابارلايدى.
تامىز ايىنىڭ بٸرٸنشٸ جەكسەنبٸسٸ – كٶلٸك قىزمەتكەرلەرٸ كٷنٸ.
كٶلٸك كەشەنٸ – ەل ەكونوميكاسىنىڭ باستى, ستراتەگييالىق ماڭىزدى سالالارىنىڭ بٸرٸ. ول قازاقستاننىڭ ٶنەركەسٸپتٸك جەنە تەحنولوگييالىق ەلەۋەتٸن ارتتىرۋدا, سونداي-اق ٶڭٸرارالىق جەنە حالىقارالىق قاتىناستاردى دامىتۋدا شەشۋشٸ رٶل اتقارادى. سونىمەن قاتار, حالىقتىڭ ٶمٸر سٷرۋ ساپاسى كٶبٸنە كٶلٸك جٷيەسٸنٸڭ سەنٸمدٸ ەرٸ ٷزدٸكسٸز جۇمىس ٸستەۋٸنە تٸكەلەي بايلانىستى.
بٷگٸنگٸ تاڭدا وتاندىق كٶلٸك سالاسى قۋاتتى ٶندٸرٸستٸك, عىلىمي-تەحنيكالىق جەنە كادرلىق ەلەۋەتكە يە. سالانىڭ تۇراقتى دامۋى كٶلٸك قىزمەتكەرلەرٸنٸڭ ادال ەڭبەگٸ, كەسٸبيلٸگٸ مەن جوعارى جاۋاپكەرشٸلٸگٸنٸڭ ارقاسىندا قامتاماسىز ەتٸلۋدە.
كٶلٸك قىزمەتكەرلەرٸ كٷنٸ – 1998 جىلى پرەزيدەنتتٸڭ جارلىعىمەن قازاقستان رەسپۋبليكاسىنىڭ كەسٸبي مەرەكەسٸ بولىپ بەكٸتٸلگەن.
تامىزدىڭ ەكٸنشٸ جەكسەنبٸسٸ – قۇرىلىسشى كٷنٸ
قۇرىلىسشىلار – كەز كەلگەن مەملەكەتتٸڭ ەلەۋمەتتٸك-ەكونوميكالىق دامۋىنا تٸكەلەي ىقپال ەتەتٸن اسا ماڭىزدى ماماندار. ولاردىڭ ەڭبەگٸ – تۇرعىن ٷي, مەكتەپ, اۋرۋحانا, جول, زاۋىت, ينفراقۇرىلىم سيياقتى ٶمٸرلٸك ماڭىزى بار نىسانداردىڭ بوي كٶتەرۋٸنٸڭ نەگٸزٸ. قۇرىلىس سالاسى ەل دامۋىنىڭ ناقتى كٶرسەتكٸشٸ بولىپ تابىلادى, ٶيتكەنٸ قۇرىلىس جٷرگەن جەردە دامۋ, جۇمىس ورىندارى مەن بولاشاق بار.
قۇرىلىسشىلار كٷنٸ – ەل دامۋىنا ٶلشەۋسٸز ٷلەس قوسىپ كەلە جاتقان مامانداردىڭ كەسٸبي مەرەكەسٸ. بۇل مەرەكە العاش رەت 1956 جىلدىڭ تامىز ايىندا اتالىپ ٶتكەن. سودان بەرٸ تامىزدىڭ ەكٸنشٸ جەكسەنبٸسٸندە اتالىپ ٶتۋ دەستٷرٸ قالىپتاسىپ, ول كٶپتەگەن پوستكەڭەستٸك ەلدەردە ساقتالعان.
قازاقستاندا بۇل كەسٸبي مەرەكە 1998 جىلى رەسمي تٷردە بەكٸتٸلدٸ. رەسپۋبليكانىڭ پرەزيدەنتٸ قول قويعان جارلىققا سەيكەس, قۇرىلىسشىلار كٷنٸ مەملەكەتتٸك كەسٸبي مەرەكەلەر تٸزٸمٸنە ەنگٸزٸلدٸ. بۇل – قۇرىلىس سالاسى ماماندارىنا كٶرسەتٸلگەن قۇرمەت پەن ولاردىڭ ەل ٷشٸن ماڭىزدى ەڭبەگٸن مويىنداۋدىڭ ايقىن بەلگٸسٸ.
18 تامىز قازاقستاندا – شەكاراشىلار كٷنٸ
شەكاراشىلار – مەملەكەتتٸڭ مەملەكەتتٸك شەكاراسىن كٷزەتٸپ, ەلٸمٸزدٸڭ قاۋٸپسٸزدٸگٸ مەن تۇتاستىعىن قامتاماسىز ەتەتٸن ەسكەري قۇرىلىم. ولار تەك شەكارانى كٷزەتٸپ قانا قويماي, زاڭسىز كٶشٸ-قونمەن, كونتراباندالىق ەرەكەتتەرمەن كٷرەسٸپ, بەيبٸت ٶمٸرٸمٸزدٸ قورعاپ وتىر. شەكارا قىزمەتٸ – باتىلدىقتى, جاۋاپكەرشٸلٸكتٸ جەنە شىنايى پاتريوتيزمدٸ تالاپ ەتەتٸن سالا. وسى سالادا ەڭبەك ەتٸپ جٷرگەندەرگە ەل ٷلكەن سەنٸم ارتادى. سوندىقتان بۇل كٷن – شەكارا قىزمەتكەرلەرٸنٸڭ ەرلٸگٸ مەن ەڭبەگٸنە دەگەن قوعامنىڭ ريزاشىلىعىن بٸلدٸرەتٸن كٷن.
قازاقستاندا شەكاراشىلار كٷنٸ 1992 جىلى قۇرىلعان قر ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ قۇرىلۋىمەن تىعىز بايلانىستى. ال رەسمي تٷردە بۇل مەرەكە 2012 جىلى قر پرەزيدەنتٸنٸڭ جارلىعىمەن بەكٸتٸلدٸ. سول ۋاقىتتان بەرٸ 18 تامىز شەكارا قىزمەتكەرلەرٸنٸڭ كەسٸبي مەرەكەسٸ رەتٸندە اتالىپ كەلەدٸ.
تامىزدىڭ سوڭعى جەكسەنبٸسٸ – شاحتەر كٷنٸ
شاحتەر كٷنٸ – جەر قويناۋىن يگەرٸپ, ەلدٸڭ ەنەرگەتيكالىق جەنە ٶندٸرٸستٸك قاۋٸپسٸزدٸگٸن قامتاماسىز ەتٸپ جٷرگەن كەنشٸلەردٸڭ كەسٸبي مەرەكەسٸ.
شاحتەرلەر كەسٸبي مەرەكەسٸن العاش رەت 1947 جىلى كسرو كەزٸندە اتاپ ٶتكەن. بۇل باستاما كٶمٸر ٶندٸرۋ سالاسىنداعى ماڭىزدى جەتٸستٸكتەرگە وراي كٶتەرٸلگەن بولاتىن. كەڭەس دەۋٸرٸنەن بەرٸ تامىزدىڭ سوڭعى جەكسەنبٸسٸندە كەنشٸلەرگە قۇرمەت كٶرسەتۋ دەستٷرٸ قالىپتاسقان جەنە ول قازاقستاندا دا ساقتالىپ وتىر.
شاحتەرلەر – اۋىر ەرٸ اسا جاۋاپتى سالادا جۇمىس ٸستەيتٸن ماماندار. ولار: ەلٸمٸزدٸڭ كٶمٸر, مەتالل, باسقا دا قازبا بايلىقتارىن ٶندٸرۋمەن اينالىسادى; ەنەرگەتيكا, مەتاللۋرگييا, قۇرىلىس جەنە حيمييا ٶنەركەسٸبٸن قاجەتتٸ شيكٸزاتپەن قامتاماسىز ەتەدٸ; مەملەكەت ەكونوميكاسىنىڭ دامۋىنا زور ٷلەس قوسادى.
كەن ٶندٸرۋ – تەۋەكەلگە تولى, فيزيكالىق جاعىنان اۋىر, جوعارى تەحنيكالىق ساۋاتتىلىق پەن تەرتٸپتٸ قاجەت ەتەتٸن جۇمىس. سوندىقتان شاحتەرلەردٸڭ ەڭبەگٸ ەرقاشان ەرەكشە قۇرمەتكە لايىق.
