"تاليبان" قوزعالىسىنىڭ ٶكٸلٸ (جوعارعى سوت شەشٸمٸنە سەيكەس, قازاقستاندا تىيىم سالىنعان) زابيۋللا مۋدجاحيد اۋعانستاننىڭ پانجشەر پروۆينتسيياسى تولىعىمەن تەلٸپتەردٸڭ باقىلاۋىنا ٶتكەنٸن مەلٸمدەدٸ, - دەپ حابارلايدى Tengrinews.kz تٸلشٸسٸ Reuters اگەنتتٸگٸنە سٸلتەمە جاساپ.
بۇل تۋرالى ول Twitter-دەگٸ پاراقشاسىندا حابارلادى.
"جالدامالى جاۋدىڭ سوڭعى تٸرەگٸ بولعان پانجشەر پروۆينتسيياسى تولىعىمەن باسىپ الىندى. وسى جەڭٸس پەن سوڭعى كٷش-جٸگەردٸڭ ارقاسىندا ەلٸمٸز سوعىس تٶڭكەرٸسٸنەن شىقتى, ەندٸ بٸزدٸڭ حالىق بەيبٸتشٸلٸك, بوستاندىقتا باقىتتى ٶمٸر سٷرەدٸ", - دەدٸ زابيحۋللا مۋدجاحيد. ول احماد ماسۋد باستاعان ەسكەر بەرٸلٸپ, كەيبٸرەۋٸ شەكارادان ٶتٸپ, پانجشەردەن قاشىپ كەتكەنٸن ايتتى.
ەلەۋمەتتٸك جەلٸلەردە تەلٸپتەردٸڭ پانجشەر گۋبەرناتورى رەزيدەنتسيياسىنىڭ قاقپاسىندا تۇرعان ۆيدەولارى مەن سۋرەتتەرٸ جارييالاندى, كەيبٸر اۋداندا ولار جالاۋىن كٶتەرگەن.
"تاليبان" ٶكٸلٸ تەلٸبتەردەن ەتنيكالىق جاعىنان ەرەكشەلەنەتٸن, نەگٸزٸنەن پۋشتۋندار تۇراتىن جەنە 1996-2001 جىلدارى ولاردىڭ بيلٸگٸ كەزٸندە يسلاميستەرگە قارسى شىققان پانجشەر تۇرعىندارىن "كەمسٸتپەۋگە" ۋەدە بەردٸ.
"ولار بٸزدٸڭ باۋىرىمىز, بٸز ەلدٸڭ ورتاق ماقساتى مەن ەل-اۋقاتى ٷشٸن بٸرگە جۇمىس ٸستەيمٸز", - دەدٸ مۋدجاحيد.
ال ۇلتتىق قارسىلاس مايدانىنداعىلار تەلٸپتەردٸڭ بۇل مەلٸمدەمەسٸن جالعان دەدٸ.
"بٸز اۋعانستان حالقىنا تەلٸپتەر مەن ولاردىڭ سىبايلاستارىنا قارسى كٷرەس ەدٸلدٸك پەن بوستاندىق ورناعانشا جالعاسا بەرەتٸنٸن ايتامىز", - دەدٸ پانجشەر القابىن قورعاۋشىلار.
