تەلٸپتەر حالىق جاساعى قۇرامىندا سوعىسىپ, جەڭٸلگەن جاۋىنگەرلەردٸ كٷزەتٸپ تۇر. كاليس پروۆينتسيياسى, اۋعانستان. 8 قىركٷيەك 2021 جىل.
"تاليبان" (قازاقستاندا تەرروريستٸك ۇيىم دەپ تانىلعان) سودىرلارى اۋعانستاننىڭ بۇرىنعى ۆيتسە-پرەزيدەنتٸ امرۋللا سالەحتٸڭ اعاسى روحۋللا سالەحتٸ ٶلتٸردٸ, دەپ حابارلايدى ازاتتىق راديوسى.
امرۋللا سالەح بيلٸكتەن قۇلاتىلعان پرەزيدەنت اشراف عاني ەلدەن كەتكەننەن كەيٸن ٶزٸن مەملەكەت باسشىسى مٸندەتٸن اتقارۋشى دەپ جارييالاعان.
روحۋللا سالەحتٸڭ تۋىسى Reuters اگەنتتٸگٸنە تەلٸپتەر اۋعانستاننىڭ بۇرىنعى ۆيتسە-پرەزيدەنتٸنٸڭ باۋىرىن دارعا اسقانىن راستاعان. ونىڭ ايتۋىنشا, تۋىستارىنا مارقۇمدى جەرلەۋٸنە رۇقسات بەرمەگەن.
India Today باسىلىمىنىڭ جازۋىنشا, روحۋللا سالەح پانجشەردە تەلٸپتەرمەن قاقتىعىس كەزٸندە ٶلتٸرٸلگەن. پانجشەر – "تاليبان" كابۋلدى باسىپ العاننان كەيٸن سودىرلار تولىق باقىلاۋعا الا الماعان اۋعانستانداعى جالعىز ايماق.
Hindustan Times جازۋىنشا, روحۋللا سالەحتٸ پانجشەردەن كابۋلعا اتتانار كەزدە ٶلتٸرگەن.
"تاليبان" قوزعالىسى پانجشەر شاتقالىنداعى قارسىلاستارىن جەڭگەنٸن ەكٸ رەت مەلٸمدەگەن. احماد ماسۋد جەتەكشٸلٸك ەتكەن ۇلتتىق قارسىلىق مايدانى ٶكٸلدەرٸ تەلٸپتەردٸڭ مەلٸمدەمەسٸن جوققا شىعارعان.
15 تامىزدا "تاليبان" راديكالدى قوزعالىسى اۋعانستان استاناسى كابۋلدى ۇرىسسىز باسىپ العان. پرەزيدەنت اشراف عاني ەلدٸ ٸرٸ گۋمانيتارلىق داعدارىستا قالدىرعىسى كەلمەيتٸنٸن العا تارتىپ, ەلدەن كەتكەن.
"تاليبان" اۋعانستاننىڭ باسىم اۋماعىن 1996-2001 جىلدارى باقىلاۋدا ۇستادى. اقش پەن وداقتاستارىنىڭ ەسكەري وپەراتسيياسىنان كەيٸن قوزعالىس تىقسىرىلعان. امەريكا باستاعان حالىقارالىق كواليتسييا بيىل مامىردان باستاپ اۋعانستاننان ەسكەرٸن ەكەتە باستاعاننان كەيٸن تەلٸپتەر شابۋىلدى ٷدەتٸپ, قازٸر ەلدٸڭ باسىم بٶلٸگٸن باقىلاۋدا ۇستاپ وتىر. 7 قىركٷيەكتە جاڭا ٷكٸمەت قۇرامىن جارييالاعانمەن حالىقارالىق قاۋىمداستىقتىقتىڭ باسىم بٶلٸگٸ مويىندامادى.
