تاليبان سودىرلارى مەن باتىس قولداعان اۋعانستان ٷكٸمەتٸ اراسىنداعى قاقتىعىس كٷشەيٸپ, تەلٸپتەر تاعى بٸر ايماقتى باسىپ الدى, بۇل اقش باستاعان حالىقارالىق كٷشتەر قىركٷيەكتە كەتكەن سوڭ ەلدٸڭ بولاشاعى قالاي بولادى دەگەن سۇراقتى كٷشەيتە تٷستٸ.
11 ماۋسىمدا جەرگٸلٸكتٸ كەڭەستٸڭ ٷش مٷشەسٸ سودىرلار سولتٷستٸك تاحار پروۆينتسيياسىنداعى ستراتەگييالىق ماڭىزدى يشكيميش ايماعىن باسىپ العانىن حابارلادى.
كەشەگٸ قارقىندى شايقاستان كەيٸن ٷكٸمەت كٷشتەرٸنٸڭ وق-دەرٸسٸ تاۋسىلىپ, ەۋە قولداۋى بولماي قالعاندىقتان, جەڭٸلٸس تاپقان.
يشكيميش تاعى تٶرت ايماقتى باقىلاۋعا مٷمكٸندٸك بەرەتٸن ماڭىزدى جول تورابى رەتٸندە قاراستىرىلادى, ەندٸ تاليبان سول ٶڭٸرلەرگە قاۋٸپ تٶندٸرۋٸ مٷمكٸن.
1 مامىردا امەريكا قۇراما شتاتتارى مەن ناتو-نىڭ باسقا مٷشەلەرٸنٸڭ ەسكەرٸ شىعارىلا باستاعاننان بەرٸ اۋعانستانداعى بٸرنەشە اۋدان تاليبان قولىنا ٶتتٸ.
اۋعان شەنەۋنٸكتەرٸ وسى اپتادا تاليبان ۋرۋزگان جەنە بادگيس پروۆينتسييالارىنداعى ٷش اۋداندى باقىلاۋعا الدى دەپ مەلٸمدەدٸ.
11 ماۋسىمدا اۋعان شەنەۋنٸكتەرٸ سوڭعى 24 ساعات ٸشٸندە پاكتييا, گور, لاگمان جەنە نانگارحار پروۆينتسييالارىندا "تاليبان" قوزعالىسىنىڭ كەمٸندە 89 سودىرى قازا تاپتى دەپ مەلٸمدەدٸ.
لاگمان پوليتسيياسى 11 ماۋسىمداعى تٷنگٸ شايقاستا تاليبان كومانديرٸ بادرۋدديندٸ اتىپ ٶلتٸرگەنٸن حابارلادى.
تاليبان اۋعان ٷكٸمەتٸنٸڭ مەلٸمدەمەسٸنە قاتىستى پٸكٸر ايتقان جوق.
ٷكٸمەت تە, تاليبان دا قارسى تاراپتا كٶپ شىعىن بولدى دەپ جيٸ ايتادى, بٸراق اقپاراتتى تەۋەلسٸز دەرەككٶزدەن تەكسەرۋ مٷمكٸن ەمەس.
ۇرىس كٷشەيگەن كەزدە شەتەلدٸك كٷشتەردٸڭ كەتۋٸ كابۋلداعى ٷكٸمەتتٸڭ قۇلدىراۋىنا جەنە تاليباننىڭ بيلٸككە ورالۋىنا ەكەلۋٸ مٷمكٸن دەگەن بولجام بار.
بۇرىنعى پرەزيدەنت دونالد ترامپتىڭ باسشىلىعىمەن 2020 جىلعى اقپاندا جاساسقان كەلٸسٸمگە سەيكەس, اقش پەن ناتو-نىڭ بارلىق كٷشتەرٸ 1 مامىرعا دەيٸن اۋعانستاننان كەتۋٸ تيٸس ەدٸ.
اقش پرەزيدەنتٸ دجو بايدەن ەسكەر شىعارۋدىڭ لوگيستيكالىق مەسەلەلەرٸن العا تارتىپ, سارباز ەكەتۋدٸ قىركٷيەككە شەگەردٸ.
وسى اپتادا اقش ورتالىق كوماندوۆانيەسٸنٸڭ باسشىسى گەنەرال كەننەت ماككەنزي اۋعانستاننان ەسكەر شىعارۋ وپەراتسيياسىنىڭ شامامەن جارتىسى اياقتالعانىن جەنە پروتسەستٸڭ "ٶتە جاقسى جٷرٸپ جاتقانىن" ايتتى.
اقش بۇل پروتسەسس بارىسىندا 2 500 ساربازدى, 16 000 كەلٸسٸم-شارتپەن كەلگەن سولداتتى جەنە جٷزدەگەن توننا جابدىقتى الىپ كەتۋٸ كەرەك.
جابدىقتىڭ بٸر بٶلٸگٸ جويىلادى نەمەسە اۋعان كٷشتەرٸنە بەرٸلەدٸ.
تٷركييانىڭ اۋعانستاندا 500-دەن استام ساربازى بار, ولار اۋعان قاۋٸپسٸزدٸك كٷشتەرٸن وقىتىپ جاتىر.
تاليبان – 1990 جىلدارى قۇرىلعان اسا راديكال دٸني-ساياسي قوزعالىس. ولار شاريعات نەگٸزٸندەگٸ يسلام مەملەكەتٸن قۇرۋدى جاقتايدى. 1996-2001 جىلدارى تاليبان اۋعانستاندا بيلٸك قۇردى, بٸراق ولاردى حالىقارالىق قاۋىمداستىق مويىندامادى.
