ونداعان جىل بويعى سوعىستان ەبدەن تيتىقتاعان اۋعانستاننان شەتەل ەسكەرٸنٸڭ تٷپكٸلٸكتٸ ەكەتٸلۋٸمەن تۇسپا-تۇس شابۋىلىن باستاعاننان بەرٸ "تاليبان" راديكال قوزعالىسى العاش رەت ايماق ورتالىعىن باسىپ الىپ, باعىندىردى.
ەلدٸڭ شالعاي وڭتٷستٸك-باتىس تٷپكٸرٸندەگٸ نيمروز ۋەلاياتىنىڭ ورتالىعى زارانج قالاسى 6 تامىزدا "تاليبان" سودىرلارىنىڭ قولىنا ٶتتٸ. بۇل تۋرالى ازاتتىقتىڭ اۋعان قىزمەتٸ – ازادي راديوسىنا جەرگٸلٸكتٸ شەنەۋنٸكتەر مەن ايماقتىق كەڭەستٸڭ بٸر مٷشەسٸ حابارلاعان.
اتى-جٶنٸن اتاعىسى كەلمەگەن بٸرنەشە جەرگٸلٸكتٸ شەنەۋنٸك 31 مىڭعا جۋىق تۇرعىنى بار قالانىڭ ۇرىسسىز بەرٸلگەنٸن ايتقان. زارانجدىڭ قۇلاۋى – "تاليباننىڭ" تىنىمسىز شابۋىلىنان قورعانۋعا تىرىسىپ جاتقان كابۋل ٷكٸمەتٸنە بەرٸلگەن تاعى دا بٸر سوققى بولدى.
كەيٸنگٸ اپتالاردا "تاليبان" ونداعان اۋىلدىق وكرۋگتٸ باسىپ الدى, شەكارا ٶتكەلدەرٸنە باقىلاۋ ورناتىپ, بٸرنەشە ٸرٸ قالاعا, سونىڭ ٸشٸندە اۋعانستاننىڭ باتىسىنداعى گەراتقا, وڭتٷستٸكتەگٸ قانداعار مەن لاشكارگاحقا شابۋىل جاسادى.
"تاليبان" 6 تامىزدا ەلدەگٸ رەسمي ٷكٸمەتتٸڭ اقپارات جەنە مەديا ورتالىعىنىڭ باسشىسى داۆا حان مەناپالدى ٶلتٸرگەنٸن مەلٸمدەگەن. بۇل – تەلٸپتەردٸڭ ەل ٷكٸمەتٸنٸڭ ەڭ جاندى جەرٸنە سوققى بەرۋگە قاۋقارى جەتەتٸنٸنە تاعى بٸر دەلەل.
بۇۇ قاۋٸپسٸزدٸك كەڭەسٸ 6 تامىزدا اۋعانستانداعى جاعدايدىڭ ناشارلاۋىن تالقىلاعان كەزدە, قارۋلى قاقتىعىستار مەن بەيبٸت تۇرعىنداردىڭ قۇربان بولىپ جاتقانى دا كٷن تەرتٸبٸندە ەنگٸزٸلدٸ. بۇۇ-نىڭ اۋعانستان بويىنشا ارنايى ٶكٸلٸ دەبورا لايونس "تاليباننىڭ" ەلدەگٸ احۋالدى ساياسي جولمەن رەتتەۋ جٶنٸندەگٸ ٶزٸنە العان مٸندەتتەمەسٸن لايىقتى اتقارىپ وتىرعانىنا كٷمەن كەلتٸردٸ. بۇعان قوسا لايونس سوعىستىڭ "(تۇرعىندار اراسىنداعى) قانتٶگٸستٸ ودان سايىن ۋشىقتىراتىن جەنە سۇراپىل شيەلەنٸس كەزەڭٸنە" ەنگەنٸ تۋرالى بۇۇ قاۋٸپسٸزدٸك كەڭەسٸن قۇلاعدار ەتكەن.
