قوستاناي وبلىستىق سوتىنىڭ القاسى «تۇلپار-تالگو» پويىزىندا اقتٶبەلٸك قىزدى زورلاعان جولسەرٸكتەرگە شىعارىلعان ٷكٸم بويىنشا اپەللياتسييالىق شاعىمداردى قاراعاننان كەيٸن, باس پروكۋراتۋرانىڭ جانىنداعى ۆەدومستۆوارالىق جۇمىس توبىنا ارناپ جەكە قاۋلى شىعاردى, دەپ حابارلايدى قازاقپارات تٸلشٸسٸ.
«قىلمىستىق كودەكستٸڭ 120, 121, 122 جەنە 123-باپتارىنىڭ سانكتسييالارى جىنىستىق قولسۇقپاۋشىلىققا قارسى قىلمىستاردى اۋىرلىق دەڭگەيٸ ورتاشا قىلمىستار ساناتىنا جاتقىزادى. بۇل قىلمىسكەرگە نە بەرەدٸ? بٸرٸنشٸدەن, ول قاتاڭ جازادان قۇتىلادى. زورلىقشىنى سوت ەڭ كٶبٸ 5 جىلعا باس بوستاندىعىنان ايىرۋى مٷمكٸن, ودان ارتىق ەمەس. ەگەر ٸستٸ اۋىرلاتاتىن جاعدايلار بولماسا, جەڭٸلدەتەتٸن جاعدايلار بولسا, وندا سوت قك-نٸڭ 55-بابىنا سەيكەس, ودان دا از – 2,5 جىلدان ارتىق ەمەس مەرزٸمگە باس بوستاندىعىنان ايىرۋ جازاسىن عانا بەلگٸلەي الادى. ەكٸنشٸدەن, قىلمىسكەر قك-نٸڭ 68-بابىنا سەيكەس, جەبٸرلەنۋشٸمەن ىمىراعا كەلۋ ارقىلى جازادان قۇتىلىپ كەتۋٸ مٷمكٸن. ٷشٸنشٸدەن, قك-نٸڭ 72-بابى بويىنشا, جازا مەرزٸمٸنٸڭ ٷشتەن بٸرٸن ٶتەگەن سوڭ, باس بوستاندىعىنان ايىرۋ مەكەمەسٸنەن شارتتى تٷردە ۋاقىتىنان بۇرىن شىعۋى مٷمكٸن. تٶرتٸنشٸدەن, مەرزٸمنٸڭ ٶتەلمەگەن بٶلٸگٸن ايىپپۇلعا نەمەسە جازانىڭ جەڭٸل تٷرٸنە الماستىرۋعا بولادى. بەسٸنشٸدەن, قيسىنسىز جەڭٸل جازا الۋى مٷمكٸن. قك-نٸڭ 55-بابى ەگەر قىلمىسكەر جەبٸرلەنۋشٸگە ماتەريالدىق جەنە مورالدىق زالالدىڭ قۇنىن تٶلەگەن بولسا, سوتتاردىڭ وعان باس بوستاندىعىنان ايىرۋ جازاسىن بەلگٸلەۋٸنە تىيىم سالادى. ايىپتى قاۋٸپسٸزدٸك دەڭگەيٸ ورتاشا مەكەمەدە جازاسىن ٶتەيدٸ. ٶيتكەنٸ قك سوتقا وعان قاتاڭىراق رەجٸم بەلگٸلەۋ قۇقىعىن بەرمەيدٸ», - دەلٸنگەن قاۋلىدا.
اپەللياتسييالىق القا قىلمىستىق كودەكسكە تٷزەتۋلەر ەنگٸزۋدٸ, اتاپ ايتقاندا, 120, 121 جەنە 122-باپتاردىڭ بٸرٸنشٸ بٶلٸگٸ بويىنشا تاعايىندالاتىن جازا مەرزٸمٸن 5 جىلدان 7 جىلعا ۇزارتۋدى; 55-باپتىڭ قولدانىلۋىنا شەك قويۋدى ۇسىنادى. بۇل سوتتى جىنىستىق قىلمىس جاساعان ادامدى باس بوستاندىعىنان ايىرۋ جازاسىن تاعايىنداۋ كەزٸندە جازا مەرزٸمٸن قىسقارتۋ مٸندەتتەمەسٸنەن بوساتادى.
بۇدان بٶلەك, سوت القاسى 91 جەنە 93-باپتارعا ٶزگەرتۋلەر ەنگٸزۋ ارقىلى مٸندەتتٸ تٷردە حيمييالىق كاستراتسييا جاساۋدى قاراستىرۋدى; قك-نٸڭ 132-بابىنىڭ ەكٸنشٸ بٶلٸگٸندەگٸ جازانى قاتايتۋدى, قوسىمشا تٷردە «جەبٸرلەنۋشٸنٸڭ قىزمەتتٸك تەۋەلدٸلٸگٸن پايدالانۋ جولىمەن» اتتى كۆاليفيكاتسييالاۋ بەلگٸسٸن ەنگٸزۋدٸ ۇسىنىپ وتىر.
ەسكە سالساق, 26 شٸلدە كٷنٸ قوستانايدا «تۇلپار-تالگو» پويىزىندا اقتٶبەلٸك بويجەتكەندٸ زورلاعان ەكٸ جولسەرٸككە ٷكٸم شىعارىلعان ەدٸ.
