الماتى وبلىسىنىڭ تالعار اۋدانىندا زورلاۋ تۋرالى ارىزعا دەر كەزٸندە ەرەكەت ەتپەدٸ دەگەن كٷدٸكپەن تٶرت پوليتسييا قىزمەتكەرٸ قىلمىستىق جاۋاپكەرشٸلٸككە تارتىلدى. ولاردىڭ ەكەۋٸنە سوت ٷكٸمٸ شىقسا, بٸرەۋٸ ٸزدەۋدە جٷر, دەپ حابارلايدى ult.kz.
«ۆرەميا» پورتالىنىڭ مەلٸمەتٸنشە, قايعىلى وقيعا 2025 جىلدىڭ قىركٷيەگٸندە قىزىلقايرات اۋىلىندا بولعان. ەر ادام تانىسىنىڭ 27 جاستاعى اعاسىن اتىپ ٶلتٸرٸپ, ونىڭ ەكٸ جاسار قىزىن الىپ كەتكەن. ارنايى جاساق كەيٸن بالانى قۇتقاردى, كٷدٸكتٸ ۇستالدى.
تەرگەۋ بارىسىندا وسىدان بٸرنەشە كٷن بۇرىن بالانىڭ اناسى پوليتسيياعا زورلاۋ تۋرالى ارىزدانعانى انىقتالدى. الايدا كٷدٸكتٸگە قاتىستى تيٸستٸ شارا قولدانىلماعان. تٸپتٸ ەيەلدٸڭ تۋىستارى ونى پوليتسيياعا جەتكٸزگەنٸمەن, ارىز تيٸستٸ دەڭگەيدە تٸركەلمەي, ول بوساتىلعان.
2026 جىلعى ناۋرىزدا نەگٸزگٸ ايىپتالۋشى زورلاۋ, ادام ٶلتٸرۋ جەنە بالا ۇرلاۋ قىلمىستارى بويىنشا 25 جىلعا سوتتالدى. ونىڭ ەكٸ كەمەلەتكە تولماعان سىبايلاسى توعىز جىلدان باس بوستاندىعىنان ايىرىلدى.
پوليتسييا قىزمەتكەرلەرٸنە قاتىستى بٶلەك قىلمىستىق ٸس قوزعالدى. ۋچاسكەلٸك ينسپەكتور قىزمەتتٸك سالاقتىق پەن جالعاندىق ٷشٸن 2,5 جىلعا سوتتالىپ, پوليتسييا اتاعىنان ايىرىلدى. بۇرىنعى پوليتسييا كاپيتانى مۇساباي بەس جىلعا باس بوستاندىعىنان ايىرىلىپ, جەبٸرلەنۋشٸگە 4,5 ميلليون تەڭگە تٶلەۋگە مٸندەتتەلدٸ.
ال تەرگەۋشٸ حاميتوۆ 27 شٸلدەدە قاشىپ كەتكەن. ول ٸزدەۋگە جارييالانعان. كەي دەرەك بويىنشا, تٷركيياعا ۇشىپ كەتكەن بولۋى مٷمكٸن.
تٶرتٸنشٸ پوليتسەيگە قاتىستى قىلمىستىق قۇقىق بۇزۋشىلىقتى جاسىرۋ فاكتٸسٸ بويىنشا ٸس تەرگەلگەن. ونىڭ سوتتاعى تاعدىرى تۋرالى ەزٸرگە اقپارات جوق.
