تيان-شان تاۋلارىندا بٸر توپ شەتەلدٸك ساياحاتشى اداسىپ كەتتٸ. بۇل جايىندا قر ٸٸم تٶتەنشە جاعدايلار كوميتەتٸنەن مەلٸم ەتتٸ, دەپ حابارلايدى "ۇلت اقپارات".
ۆەدومستۆونىڭ مەلٸمەتٸنشە, 11 قىركٷيەك كٷنٸ تاڭەرتەڭ بٸر توپ شەتەلدٸك ساياحاتشى تالعار اسۋىنا جورىققا شىعىپ, تۋريست اسۋى ارقىلى تٶمەن تٷسۋگە نيەتتەنگەن. پولشانىڭ 4 ادامىنان جاساقتالعان توپقا تيان-شان تاۋىنا ساياحاتتاۋدا ەش تەجٸريبەسٸ جوق ۋكراينا ازاماتى جول نۇسقاۋشى بولعان. ساياحاتشىلار الپٸ راۋشانى الاڭقايى اۋدانىنا جەتكەن كەزدە قار جاۋىپ, سٷرلەۋ جول كٶرٸنبەي قالادى. كٸشٸ تالعار اسۋىنا جەتكەن ولار قاردان سۋسىمالى باتپاققا اينالعان سوقپاقپەن جوعارى ٶرلەپ شىعا الماعان. وسىدان كەيٸن شەتەلدٸكتەر بۇرىنعى باعدارىنا قايتا تٷسٸپ, سەلدەن قورعاۋ بەكەتٸنە جەتكەن. الايدا ول جەردەن تٸرٸ جاندى كەزدەستٸرە الماعان ساياحاتشىلار قۇتقارۋشىلارعا حابارلاسقان.
«ساعات 14-00-دە تجك رەسپۋبليكالىق جەدەل قۇتقارۋ جاساعىنىڭ كەزەكشٸلٸگٸنە شەتەلدٸكتەردٸ اسۋدان تٶمەن تٷسٸرۋگە كٶمەك قاجەتتٸگٸ تۋرالى اقپارات تٷستٸ. جەدەل توپ بارا جاتقان كەزدە تەلەفون ارقىلى اداسقان ادامدارعا كەڭەس بەرٸلدٸ, ولاردىڭ بولجامدى تۇرعان جەرٸ انىقتالدى. مۇنداي جاعدايدا جەرگٸلٸكتٸ جەر بەدەرٸ مەن اۋا رايىن ەسكەرە وتىرىپ, بۋتاكوۆكا اسۋىنا قاراي جىلجۋ قاجەتتٸگٸ تٷسٸندٸرٸلدٸ. شەتەلدٸكتەرگە قاردىڭ از جاۋعانىنا قاراماستان كٶشكٸن جٷرۋ قاۋپٸ بار ەكەندٸگٸن ايتىلىپ, بارىنشا ابايلاپ جٷرۋ كەرەكتٸگٸ ەسكەرتٸلدٸ» دەلٸنگەن تاراتىلعان اقپاراتتا.
ال بۇل ۋاقىتتا قۇتقارۋشىلار اداسىپ كەتكەن شەتەلدٸكتەرگە قاراما-قارسى بارا جاتقان ەدٸ. ساياحاتشىلارمەن بايلانىسىپ وتىرعان كەزەكشٸ ديسپەتچەر قۇتقارۋشىلاردىڭ باعدارىن دا ٷيلەستٸرٸپ, نەتيجەسٸندە ساياحاتشىلار تابىلدى. شەتەلدٸكتەردٸڭ ەشقايسىسىنا مەديتسينالىق كٶمەك قاجەت بولمادى. قۇتقارۋشىلار ولاردى دٸن امان قالاعا جەتكٸزدٸ.
