تالدىقورعاندىق كەسٸپكەر قانات جۇلىنوۆ مەملەكەتتٸك-جەكەشەلٸك ەرٸپتەستٸك (مجە) نەگٸزٸندە بيزنەسٸن باستاپ, شىعىنعا شاش ەتەكتەن باتىپ جاتقانىن ايتادى. كەسٸپكەر اتالعان باعدارلاما اياسىندا ٷش جوباسىنىڭ ەكەۋٸن جٷزەگە اسىرعان, دەپ حابارلايدى "ۇلت اقپارات".
قانات جۇلىنوۆ تالدىقورعان قالاسىنان 320 ورىندىق «التىن بەسٸك» بالاباقشاسىن مجە نەگٸزٸندە اشقان. بٸراق كەسٸپكەردٸڭ سٶزٸنشە, وعان بۇل باعدارلاما تيٸمسٸز. سەبەبٸ, ول بالاباقشانىڭ تٶلەماقىسىن دا, قىزمەتكەرلەردٸڭ جالاقىسىن دا ٶسٸرە الماي وتىر. ٶيتكەنٸ, مەكتەپكە دەيٸنگٸ مەكەمەنٸڭ مجە بويىنشا اشىلعانى كەسٸپكەرگە كٶپتەگەن قيىندىقتار تۋدىرۋدا. ال مەملەكەتتەن بٶلٸنەتٸن قاراجات كوممۋنالدىق شىعىنداردى عانا جابۋعا جەتەدٸ.
«2016 جىلى «التىن بەسٸك» بالاباقشاسىن مەملەكەتتٸك-جەكەشەلٸك ەرٸپتەستٸك نەگٸزٸندە اشتىق. ەندٸ قاراڭىز, بيزنەسمەن وسى كەسٸپكە كەتكەن اقشاسىن شىعارۋ كەرەك قوي. ال بٸزگە بۇل بالاباقشادان ەشقانداي پايدا جوق. ٶيتكەنٸ, ٷكٸمەت ٶز بەتٸمٸزشە تٶلەماقىنى ٶسٸرۋگە رۇقسات بەرمەيدٸ. ال مەملەكەتتەن بٶلٸنگەن قارجى كوممۋنالدىق شىعىننان اسپايدى. ەكٸنشٸدەن, وسى باعدارلاما اياسىندا قاراتال اۋدانىنداعى قوجبان اۋىلىندا 20 ورىندىق مەكتەپ سالدىق. بٸراق تٶلەنۋٸ تيٸس قاراجات ەلٸ تٶلەنبەدٸ. ٷشٸنشٸ مەسەلە, ەسكەلدٸ اۋدانىندا 320 ورىندىق بالاباقشا سالۋ ٷشٸن جوبالىق-سمەتالىق قۇجاتتار ساراپتامادان ٶتتٸ. ەندٸ وبلىستىق ماسليحاتتان ٶتپەي تۇر», - دەيدٸ كەسٸپكەر.
