قارۋ قولدانىپ, ەرلٸ-زايىپتىنى جارالادى دەگەن 24 جاستاعى كٷدٸكتٸنٸ جەتٸسۋ وبلىسىنىڭ پوليتسييا قىزمەتكەرلەرٸ ۇستادى, دەپ حابارلادى Sputnik قازاقستان ۆەدومستۆونىڭ باسپاسٶز قىزمەتٸنە سٸلتەمە جاساپ.
وقيعا سەگٸزٸنشٸ ماۋسىم كٷنٸ ەسكەلدٸ اۋدانىنىڭ قوڭىر اۋىلىندا بولدى. جاس جٸگٸت 34 جاستاعى جەرگٸلٸكتٸ تۇرعىن جەنە ونىڭ ەيەلٸمەن جانجالداسىپ, ۇرىس سوڭى تٶبەلەسكە ۇلاسقان.
ۆەدومستۆو مەلٸمەتٸنشە, كٷدٸكتٸ ەرلٸ-زايىپتىعا 12 كاليبرلٸ اڭشىلىق مىلتىقتان وق اتقان.
ونىڭ Mitsubishi Pajero كٶلٸگٸندە قارۋ الىپ جٷرگەنٸ انىقتالدى. زارداپ شەككەندەر تالدىقورعان اۋرۋحانالارىنىڭ بٸرٸنە جاتقىزىلدى.
جانجالعا سەبەپ كٷدٸكتٸنٸڭ اۋىل كٶشەسٸندە كٶلٸكپەن جوعارى جىلدامدىقپەن جٷرٸپ, شاڭدى كٶتەرگەنٸ بەلگٸلٸ بولدى. بۇل جەرگٸلٸكتٸ تۇرعىنداردىڭ نارازىلىعىن تۋدىردى.
وعان ەسكەرتۋ جاسالعانىمەن, ول جاۋاپ رەتٸندە جانجال شىعارىپ, اتىس قارۋىن قولداندى.
"34 جاستاعى ەر ادام مەن 31 جاستاعى ەيەل جاراقات الدى. ەكەۋٸ دە اۋرۋحاناعا جەتكٸزٸلدٸ. قىلمىستىق تەرگەۋ قىلمىستىق كودەكستٸڭ 99-بابى بويىنشا 24-بابىن قولدانا وتىرىپ جٷرگٸزٸلۋدە. ياعني "ادام ٶلتٸرۋگە وقتالۋ", - دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
پوليتسييا قىزمەتكەرلەرٸ كٷدٸكتٸنٸڭ بۇعان دەيٸن ۇرلىق ٷشٸن ٷش رەت ٸستٸ بولعانىن ايتتى. فاكتٸ بويىنشا قاجەتتٸ ساراپتامالار تاعايىندالدى.
اڭشىلىق مىلتىق تەركٸلەنٸپ, زاتتاي دەلەل رەتٸندە قىلمىستىق ٸس ماتەريالدارىنا قوسىلدى.
