تالدىقورعاندا جاڭادان سالىنعان كوتتەدجدٸ قالاشىقتىڭ تۇرعىندارى گازعا بەلشەسٸنەن قارىزعا باتىپ جاتىر. 250 تۇتىنۋشىنىڭ بەرەشەگٸ 22 ميلليونعا جەتكەن, دەپ حابارلايدى "ۇلت اقپارات".
قازٸر ەكٸ جىل بويى ٷندەمەدٸك دەگەن «قازترانسگازايماق» اق فيليالى حالىقتى جاپپاي سوتقا بەرٸپ جاتىر.
ال تۇرعىندار بولسا ٷي سۋىق بولعاندىقتان كٶگٸلدٸر وتىن جاقتىق دەپ شىرىلداۋدا.
«مٸنە, قالاشىقتىڭ بارلىق تۇرعىندارىن سوتقا شاقىرىپ جاتىر. 100, 200 مىڭ تەڭگەدەي بەرٸنٸڭ قارىزى بار. قايدان الامىز, مەنٸڭ اسىراۋشىم جوق. ٷيدٸڭ تٶبەسٸ جۇقا. بارلىق جىلۋ دالاعا كەتەدٸ. ٷي سۋىق بولعاندىقتان توڭباس ٷشٸن گازدى اياماي قوسا بەرەمٸز. «قازترانسگازدان» سوتقا قاعاز كەلدٸ. مەنٸكٸ 118 مىڭ تەڭگە دەپ تۇر. مەن ونى قالاي تٶلەيمٸن?», - دەيدٸ تالدىقورعانداعى كوتتەدجدٸ قالاشىقتىڭ تۇرعىنى گٷلنەر بايباتچاەۆا.
ايتا كەتەيٸك, تالدىقورعاندا جاڭادان سالىنعان كوتتەدجٸ قالاشىققا كٶشٸپ كەلگەن تۇرعىنداردىڭ باسىنان داۋ ارىلماي-اق قويدى.
جاڭا باسپاناعا كٸرگەننەن ٷيدٸڭ ساپاسىزدىعىنا شاعىمدانىپ, ەندٸ مٸنە, كٶگٸلدٸر وتىنعا قارىزعا باتتىق دەپ نارازى.
ال تۇرعىنداردى جاپپاي سوتقا بەرگەن «قازترانسگازداعىلار» قالاشىققا كٶگٸلدٸر وتىن قۇبىرى زاڭسىز تارتىلعان دەپ شەنەۋنٸكتەردٸڭ كەمشٸلٸگٸن جايىپ سالدى.
«مىنا جەرگە گاز زاڭسىز كەلٸپ جاتىر. مىنا قۇبىرلار زاڭداستىرىلعان جوق. مىنا گاز قوسىلعاندا بٸزدەن بٸر دە بٸر رۇقسات قاعاز العان جوق. زاڭسىز قوسىلعان, بٸز ەكٸ جىل بويى ٷندەمەدٸك» دەيدٸ «قازترانسگازايماق» اق جەتٸسۋ ٶندٸرٸستٸك فيليالىنىڭ ديرەكتورى راۆيل يسمايلوۆ.
حالىق ەرتەڭ اپاتتى جاعداي بولسا, ەشكٸم جاۋاپ بەرمەيدٸ دەپ قورقادى. ال تالدىقورعانعا جاڭادان كەلگەن ەكٸم «بەرٸن زاڭداستىرامىز» دەپ حالىقتى سەندٸردٸ.
«مىنا گازدىڭ جوباسىن جاسادىق. ساراپتامادان ٶتكٸزەمٸز دە, ەرتەڭ اقشاسىن تٶلەپ, بارلىعىن زاڭداستىرامىز. گاز, تراسسا كوميسسييا شەشٸمٸمەن «ەكسپلۋاتاتسيياعا» ٶتۋٸ كەرەك», - دەيدٸ تالدىقورعان قالاسىنىڭ ەكٸمٸ ەرجان جاسىباەۆ.
سونداي-اق, شەنەۋنٸكتەردٸڭ سٶزٸنشە, تۇرعىنداردىڭ كٶگٸلدٸر وتىنعا بەرەشەگٸنٸڭ بٸر بٶلٸگٸن مەردٸگەر كومپانييا تٶلەيدٸ.
