تالدىقورعاندا دەسترۋكتيۆتٸ دٸني اعىمنىڭ جاقتاۋشىسى مەشٸتتە يمامدى سوققىعا جىققان. ول جەتٸ تەۋلٸككە قاماۋعا الىندى, دەپ حابارلايدى قازاقپارات.
«ماۋسىم ايىنىڭ باسىندا مەشٸتتە دٸني رەسٸم كەزٸندە دەسترۋكتيۆتٸ اعىمدى جاقتاۋشىلار مەن يمام اراسىندا جايسىز جاعداي بولعان. قاقتىعىس رەسٸم اياقتالعاننان كەيٸن مەشٸت اۋماعىندا جالعاستى. سٶزگە كەلٸپ قالعان ەرلەردٸڭ بٸرٸ يمامعا جۇدىرىق الا جٷگٸرٸپ, دٸن قىزمەتكەرٸن سوققىعا جىققان», - دەلٸنگەن وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
ۆەدومستۆونىڭ اقپاراتىنا سەيكەس, پوليتسييا شابۋىل جاساعان ادامدى ۇستادى.
ول 33 جاستاعى دٸني دەسترۋكتيۆتٸ اعىمدى ۇستانۋشى بولىپ شىقتى.
ەقبتك-نٸڭ 73-1-بابى بويىنشا ٸس قوزعالىپ (دەنساۋلىققا قاساقانا جەڭٸل زييان كەلتٸرۋ) سوتقا قاراۋ ٷشٸن جولداندى.
ەر ادام سوتتىڭ شەشٸمٸمەن جەتٸ تەۋلٸككە قاماۋعا الىندى.
