قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىنا وراي الماتى وبلىسىنىڭ ورتالىعى تالدىقورعان قالاسىندا ەلٸمٸزدٸڭ تۇڭعىش پرەزيدەنتٸ نۇرسۇلتان ەبٸشۇلى نازارباەۆتىڭ مٷسٸنٸنٸڭ سالتاناتتى اشىلۋى ٶتتٸ, دەپ حابارلايدى "ۇلت اقپارات" الماتى وبلىسى ەكٸمدٸگٸنٸڭ رەسمي سايتىنا سٸلتەمە جاساپ.
ايتا كەتۋ كەرەك, وسىدان بٸراز ۋاقىت بۇرىن پرەزيدەنتتٸڭ مٷسٸنٸن ورناتۋ تۋرالى باستامانى جەتٸسۋلىق ارداگەرلەر كٶتەرٸپ, ول وبلىستىق مەسليحات دەپۋتاتتارىنىڭ قىزۋ قولداۋىنا يە بولعان ەدٸ. وسى يگٸ باستاما جٷزەگە اسىرىلىپ ەلباسى مٷسٸنٸ تالدىقورعاننىڭ ورتالىق الاڭىنداعى قازاقستان رەسپۋبليكاسى تۇڭعىش پرەزيدەنتٸنٸڭ سكۆەرٸنە ورناتىلدى.
سالتاناتتى جيىن قازاقستان رەسپۋبليكاسىنىڭ مەملەكەتتٸك گيمنٸمەن باستالىپ, مٷسٸننٸڭ اشىلۋىنا وراي شاشۋ شاشىلدى. 1 جەلتوقسان - تۇڭعىش پرەزيدەنت كٷنٸمەن جەنە ايتۋلى وقيعامەن كٶپشٸلٸكتٸ وبلىس ەكٸمٸ اماندىق باتالوۆ قۇتتىقتادى.
- پرەزيدەنتٸمٸزدٸڭ كٶپقىرلى قىزمەتٸنٸڭ اۋقىمدىلىعى, بيٸك بەدەلٸ قازاقستاننىڭ ەربٸر ازاماتىنا ەتەنە تانىس. بٸز, الماتى وبلىسىنىڭ تۇرعىندارى ەلباسىنىڭ مٷسٸنٸن ورناتا وتىرىپ, ٶزٸمٸزدٸڭ شىنايى ىقىلاسىمىزدى, ريياسىز العىسىمىزدى, زور قۇرمەتٸمٸزدٸ بٸلدٸرەمٸز. مەملەكەت باسشىسىنىڭ مٷسٸنٸ ٶزٸنٸڭ تۋعان جەرٸندە ورناتىلۋى زاڭدىلىق. تەۋەلسٸزدٸكتٸڭ 25 جىلىندا ۇلت كٶشباسشىسى قازاقستاندىق قوعامنىڭ بٸرٸكتٸرۋشٸ فاكتورى, تۇراقتىلىقتىڭ, گٷلدەنۋ مەن ٶركەندەۋدٸڭ سيمۆولىنا اينالدى, - دەي كەلە كٶپشٸلٸكتٸ وسى ايتۋلى وقيعامەن قۇتتىقتاپ اق تٸلەگٸن ايتتى.
مۇنان كەيٸن الماتى وبلىستىق ارداگەرلەر كەڭەسٸنٸڭ تٶراعاسى ەرمەك كەلەمسەيٸت, الماتى وبلىسىنىڭ قۇرمەتتٸ ازاماتى, ارداگەر ناۋرىز قىلىشباەۆ ەلباسىنىڭ ەرەن ەڭبەگٸنٸڭ, ساليقالى ساياساتىنىڭ جەمٸسٸن كٶرٸپ وتىرعان ەل اعاسى رەتٸندە ىستىق لەبٸزدەرٸن بٸلدٸردٸ.
- «كٶشباسشىسى باتىر بولسا, ساربازدارى باتىل بولادى» دەگەندەي, قازاق ەلٸ ٶركەنيەتتٸ ەلۋ ەلدٸڭ قاتارىنان ٶزٸنە لايىقتى ورىن الدى. ەندٸ دامىعان وتىز ەلدٸڭ قاتارىنا قوسىلۋ – ەلباسىنىڭ عانا ەمەس, بارشا قازاقستاندىقتاردىڭ باستى مٸندەتٸ. تەمٸرقازىق نىسانادان كٶرٸنۋ – ابىرويلى دا ايبىندى ەلگە تەن قاسيەت. مٸنە, وسى رەتتە جەتٸسۋلىقتار ٸرٸلٸكتٸڭ دە, ۇلىلىقتىڭ دا ٷلگٸسٸن كٶرسەتٸپ كەلەدٸ. ەندٸ, مٸنە, قابىرعالى قازاق ەلٸنٸڭ اتىن ەلەمگە پاش ەتٸپ, اسىل مۇراتىنا جەتكەن نۇرسۇلتان ەبٸشۇلى نازارباەۆ جەرلەستەرٸمەن قاۋىشىپ تۇر. تەۋەلسٸزدٸكتٸ باياندى ەتۋ جولىندا بٸر اتانىڭ بالالارىنداي جۇمىلىپ, جانارتاۋداي جارقىلداۋعا شاقىرىپ تۇر! ەندەشە ٸسكە سەت! - دەدٸ ن. قىلىشباەۆ.
مۇنان سوڭ سٶز العان «حيلنيچەنكو ي ك» كومانديتتٸك سەرٸكتەستٸگٸنٸڭ ديرەكتورى ۆيكتور حيلنيچەنكو:
- مەن نۇرسۇلتان ەبٸشۇلى نازارباەۆپەن 20 جىلدان بەرٸ جاقسى تانىسپىن. ول ەلٸمٸزدەگٸ اۋىل شارۋاشىلىعىنىڭ دامۋىن قالت جٸبەرمەي قاداعالاپ وتىرادى. قولداۋ كٶرسەتٸپ, كەڭەس بەرەدٸ, ونىڭ دامۋىنداعى جاڭا جەتٸستٸكتەردٸ ەشقاشان نازاردان تىس قالدىرعان ەمەس.
مەن وسىنداي كٶپقىرلى, تالانتتى, كٶرەگەن مەملەكەت باسشىسىمەن تٸلدەسۋگە, پٸكٸرلەسۋگە مٷمكٸندٸك جاساعان تاعدىرىما ريزامىن. جەنە الماتى وبلىسى تۇرعىندارىمەن بٸرگە ەلباسى نۇرسۇلتان ەبٸشۇلى نازارباەۆتىڭ پرەزيدەنت رەتٸندەگٸ, بەدەلٸ زور ەلەمدٸك ساياساتكەر رەتٸندەگٸ ەڭبەگٸ ٷشٸن وبلىسىمىزدا, ٶزٸنٸڭ تۋعان جەرٸندە مٷسٸنٸ ورناتىلعانىنا قۋانىشتىمىن, - دەدٸ.
جاستاردىڭ اتىنان قۇتتىقتاۋ سٶز سٶيلەگەن ٸ.جانسٷگٸروۆ اتىنداعى جەتٸسۋ مەملەكەتتٸك ۋنيۆەرسيتەتٸنٸڭ ستۋدەنتٸ ايزادا ورازالى ٶز سٶزٸندە ەلباسىنىڭ جاستارعا جاساپ وتىرعان قامقورلىعى, بٸلٸم الۋعا, ەڭبەك ەتۋگە جاسالعان زور مٷمكٸندٸكتەرٸ جايلى ايتا كەلە, جاستار ەلباسىمىزدى ماقتان تۇتىپ قانا قويماي, كەلەشەك ۇرپاق ٷشٸن جاسالىپ جاتقان جاقسىلىقتاردى دۇرىس باعىتقا پايدالانا بٸلٸپ, ەسەلەپ قايتارۋى قاجەتتٸگٸن اتاپ ٶتتٸ. جەر جانناتى جەتٸسۋ جەرٸندە بوي كٶتەرٸپ وتىرعان كٶشباسشىمىزدىڭ مٷسٸنٸنٸڭ اشىلۋى – بارشا قازاق جۇرتى ٷشٸن ٷلكەن قۋانىش ەكەنٸن جەتكٸزٸپ, سٶزٸنٸڭ سوڭىن «ۇلى دالانىڭ ۇلت كٶشباسشىسى ەلباسىمىز مەڭگٸ جاساي بەرسٸن!!!» دەگەن جالىندى تٸلەكپەن اياقتادى.
سالتاناتتى شارا كونتسەرتتٸك باعدارلامامەن جالعاستى.
ايتا كەتسەك, ەلباسى مٷسٸنٸ تالدىقورعانداعى ورتالىق الاڭنىڭ وڭتٷستٸك-شىعىسىندا ورنالاسقان قازاقستان رەسپۋبليكاسى تۇڭعىش پرەزيدەنتٸنٸڭ سكۆەرٸنە قويىلدى. مٷسٸننٸڭ اۆتورى: قر قۇرمەتتٸ سەۋلەتشٸسٸ, «قۇرمەت» وردەنٸنٸڭ كاۆالەرٸ, 40-تان استام ەسكەرتكٸشتٸڭ اۆتورى قازبەك جارىلعاپوۆ جەنە تانىمال مٷسٸنشٸ, سۋرەتشٸلەر وداعىنىڭ مٷشەسٸ, 20-دان استام ەسكەرتكٸشتٸڭ اۆتورى ميرلان ازماعانبەتوۆ.
مٷسٸننٸڭ بيٸكتٸگٸ 4,2 مەتر, قولادان جاسالعان, ال تۇعىرىنىڭ بيٸكتٸگٸ 4,5 م., كٷرتٸلٸك قوڭىر گرانيتتەن جاسالعان. مٷسٸننەن كەيٸن سكۆەر قازاقستان رەسپۋبليكاسىنىڭ مەملەكەتتٸك رەمٸزدەرٸنٸڭ اللەياسىمەن جالعاسادى. سكۆەردەگٸ جٷرگٸنشٸ جولىنىڭ ەكٸ جاعىندا گرانيت قابىرعادا قازاقستان رەسپۋبليكاسى مەملەكەتتٸك رەمٸزدەرٸ قولادان جاسالعان:
- قازاقستان رەسپۋبليكاسى ەلتاڭباسى;
- قازاقستان رەسپۋبليكاسىنىڭ مەملەكەتتٸك تۋى;
- قازاقستان رەسپۋبليكاسىنىڭ گيمنٸ;
- قازاقستان رەسپۋبليكاسى كونستيتۋتسيياسى كٸتابى.
