تالدىقورعان قالاسىندا كٷتۋشٸسٸ ٶلٸمشٸ ەتٸپ ساباعان ٷش جاسار بالا اۋرۋحانادا كٶز جۇمدى, - دەپ حابارلايدى Tengrinews.kz اگەنتتٸگٸ "حابار 24" تەلەارناسىنا سٸلتەمە جاساپ.
تەلەارنا مەلٸمەتٸنشە, بالانىڭ اناسى كٷتۋشٸنٸ ينتەرنەتتەن تاۋىپ, ەكٸ بالاسىن كٷنٸ-تٷنٸ قالدىرعان. بالا كٷتٸمٸنٸڭ اقىسىن تٶلەي الماعان سوڭ, بالا كٷتۋشٸ بالالاردى اناسىنا بەرمەي, ٷيٸندە قاماپ ۇستاعان.
"13 قىركٷيەك كٸشٸ ۇلىم زاحار بٸر جاسقا تولدى. ال وسى قازا تاپقان ۇلىم مامىردا ٷشكە تولعان. ٷلكەن قىزىم ينتەرناتتا تۇرىپ وقيدى", - دەيدٸ سەبيدٸڭ اناسى مادينا تاۋكەنوۆا.
وقيعانىڭ قالاي بولعانىن بايانداي كەلە ول بالاسىنىڭ ٶلٸمٸنە قارلىعاش ەسٸمدٸ كٷتۋشٸ كٸنەلٸ دەپ مەلٸمدەمە جاسادى.
"كٸشٸ ۇلىم بٸر جاسقا تولعاندا كٷتۋشٸگە زۆونداپ, ونىڭ تۋعان كٷنٸن اتاپ ٶتكٸم كەلەتٸنٸن ايتتىم. قولحات جازىپ بەرەيٸن, تۋعان كٷنٸندە الىپ كەتەيٸن دەدٸم. قارلىعاش ماعان تەلەفون سوعىپ, بٸراز اقشا قارىزسىڭ, قاشان بەرەسٸڭ دەدٸ. مەن اقشا بولماي جاتقانىن ايتىپ, كٷتە تۇر دەدٸم. تاعى دا سول قولحات جازىپ بەرەيٸن, دەۆيد پەن زاحاردى كٶرسەتشٸ, ساعىندىم دەدٸم. سەنبەيمٸن, بەرمەيمٸن دەدٸ. مەن قاتتى ساعىنعانىمدى ايتتىم", - دەيدٸ ەيەل.
مادينا تاۋكەنوۆا ٶزٸنٸڭ ٷيٸ, اقشاسى جوق جەتٸم ەكەنٸن ايتقان. جاعدايى بولماعان سوڭ, ينتەرنەتتەن تاپقان بالا كٷتۋشٸگە ەكٸ ۇلىن قالدىرىپ, ٶزٸ تالدىقورعان قالاسىنداعى قوناقٷيلەر مەن ەرتٷرلٸ مەكەمەلەردٸڭ ەدەنٸن جۋىپ, اقشا تاپقان.
"12 قىركٷيەك تەلەفون سوعىپ, بالا قاتتى اۋىرىپ, دەنە قىزۋى كٶتەرٸلٸپ جاتىر دەدٸ. بارىپ قاراسام, بەتٸنٸڭ ساۋ جەرٸ جوق, قۇلاعىنا دەيٸن كٶگەرگەن, قولى تاستاي, بالامنىڭ اۋزى اشىق, كٶزٸ اشىق, ەس تٷسسٸز جاتىر ەكەن. ولار ماعان بٸرەسە ۆاننادا قۇلادى, بٸرەسە تالىپ قۇلادى دەدٸ. قارلىعاش "پوليتسييا كەلسە, مەنٸ بالا كٷتۋشٸ دەپ ايتپا, تۋىسقان تەتەم دەپ ايت" دەدٸ. بالانى ۇردىڭىزدار ما دەپ ەدٸم, "جوق" دەدٸ. بالانى ٶزٸم اۋرۋحاناعا اپاردىم, دەرٸگەرلەر قابىلداپ الىپ, سىرتتا كٷتٸڭٸز دەدٸ. كٶپ ۋاقىت ٶتپەي, شامامەن جارتى ساعاتتان كەيٸن دەرٸگەر شىعىپ, "يماندى بولسىن, بالا كٶز جۇمدى" دەدٸ. مەن ٶز قۇلاعىما ٶزٸم سەنبەي, بالامدى كٶرسەتٸڭٸزدەر دەدٸم. ەلٸ دە بولسا بالامنان ايىرىلىپ قالعانىما سەنە الار ەمەسپٸن", - دەيدٸ ول.
تەرگەۋ بارىسىندا بالانىڭ بٸرنەشە رەت سوققىعا جىعىلعانى انىقتالعان.
"بالا كٷتۋشٸنٸ ۇستاپ, ۋاقىتشا ۇستاۋ يزولياتورىنا قامادىق. بٸراق قالالىق سوت وعان قاتىستى ٷيقاماققا الۋدى سانكتسييالادى. اتالمىش دەرەك قىلمىستىق كودەكستٸڭ 106-بابىنىڭ 3-بٶلٸگٸ "قاساقانا زييان كەلتٸرۋ" بويىنشا قىلمىستىق ٸس قوزعالىپ جاتىر", - دەدٸ جەتٸسۋ وبلىسى بويىنشا پد رەسمي ٶكٸلٸ.
