فوتو: pixabay
تالدىقورعاندا 3 جاسار بالانى ۇرىپ ٶلتٸرگەن 24 جاستاعى تۇرعىن 10 جىلعا سوتتالدى, دەپ حابارلايدى قازاقپارات اگەنتتٸگٸ.
«كٸنەنٸ جەڭٸلدەتەتٸن مەن-جاعدايلاردى, ياعني سوتتالۋشىنىڭ بۇرىن سوتتى بولماعاندىعىن, شىن جٷرەكتەن ٶكٸنۋٸن, جەبٸرلەنۋشٸنٸڭ ونى كەشٸرۋٸن جەنە كٸنەنٸ اۋىرلاتاتىن مەن-جايلاردىڭ جوقتىعىن ەسكەرە وتىرىپ, سوت سوتتالۋشىعا 10 جىلعا باس بوستاندىعىنان ايىرۋ جازاسىن تاعايىندادى. جازانى قىلمىستىق-اتقارۋ جٷيەسٸنٸڭ ورتاشا قاۋٸپسٸز مەكەمەسٸندە ٶتەۋ بەلگٸلەندٸ», - دەدٸ جەتٸسۋ وبلىستىق سوتى باسپاسٶز قىزمەتٸنٸڭ ٶكٸلٸ نۇرسۇلتان ورىنباساروۆ.
ەستەرٸڭٸزگە سالا كەتەيٸك, 2022 جىلعى قىركٷيەكتە تالدىقورعانداعى اۋرۋحانانىڭ بٸرٸندە 3 جاسار بالا كٶز جۇمدى. دەرٸگەرلەر بالاعا باس جاراقاتى دياگنوزىن قويعان.
سەبي ٶلٸمٸنە قاتىسى بار دەگەن كٷدٸكپەن وسى بالانى قاراپ-باققان 23 جاستاعى جەرگٸلٸكتٸ تۇرعىن ۇستالدى. قىز ۋۇي-عا قامالدى, بٸراق قالالىق سوت كٷدٸكتٸگە «ٷي قاماعى» سانكتسيياسىن بەردٸ. الايدا, كٷدٸكتٸ كەيٸن قايتا قاماۋعا الىندى.
«ٷيقاماققا جٸبەرٸلگەن كٷدٸكتٸ بۇعان دەيٸن سوتتالماعان, كٸنەسٸن تولىق مويىنداعان, تەرگەۋدەن قاشپاعان, تۇرعىلىقتى جەرٸ بولعان. وسىنى نەگٸزگە الىپ, سوت ونى ٷيقاماققا جٸبەرگەن. بۇل جەردە بٸز سوتتىڭ شەشٸمٸن زاڭسىز دەپ سانامايمىز, بٸراق نەگٸزسٸز دەپ سانايمىز. سول سەبەپتٸ, قىلمىس اۋىر ساناتقا جاتاتىندىقتان, كٷدٸكتٸ قوعام ٷشٸن قاۋٸپتٸ بولۋى مٷمكٸن. سوعان سەيكەس, بٸز پروكۋراتۋرا تاراپىنان سوتتىڭ كٷدٸكتٸنٸ ٷيقاماققا جٸبەرگەن شەشٸمٸمەن كەلٸسپەي, قايتا كٷدٸكتٸنٸ قاماۋعا الۋ جٶنٸندە ٶتٸنٸش حات جولدادىق. سوت بٸزدٸڭ ٶتٸنٸشٸمٸزدٸ قاناعاتتاندىرىپ, كٷدٸكتٸنٸ قايتا قاماۋعا الۋ جٶنٸندە شەشٸم شىعاردى», - دەگەن ەدٸ قالا پروكۋرورى باقىتجان اشەەۆ.
اتالعان فاكتٸ بويىنشا ساراپتاما تاعايىندالا وتىرىپ, تەرگەۋ قر قك 106-بابى 3-بٶلٸگٸ (ابايسىزدا جەبٸرلەنۋشٸنٸڭ ٶلٸمٸنە ەكەپ سوققان دەنساۋلىققا قاساقانا اۋىر زييان كەلتٸرۋ) نەگٸزٸندە جٷرگٸزٸلدٸ.
