فوتو:elements.envato.com
2015-2020 جىلدار ارالىعىندا تالدىقورعان قالاسىندا 1 014 تۇرعىن ٷي مەن 330 پەتەردٸ بەرۋ كەزٸندە زاڭ بۇزىلعان. بۇل دەرەكتەردٸ قالا ەكٸمٸ ەسەت ماساباەۆ جۋرناليستەرمەن كەزدەسۋدە ايتتى, - دەپ حابارلايدى Tengrinews.kz.
جەكە تۇلعالار مەن مەملەكەتتٸك قىزمەتكەرلەر باسپانا العانى بەلگٸلٸ بولدى. ەندٸ مەسەلەنٸ شەشۋ ٷشٸن پەتەرلەردٸ تيٸستٸ قۇرىلىمدارعا قىزمەتتٸك پايدالانۋعا بەرۋ ۇسىنىلىپ وتىر. حالىقتىڭ ەلەۋمەتتٸك وسال توپتارىنا تۇرعىن ٷي بەرۋدە دە زاڭبۇزۋشىلىقتار انىقتالعان. قالا ەكٸمٸنٸڭ ايتۋىنشا, بۇل ساناتتاعى ازاماتتارعا 700-گە جۋىق ٷي مەن پەتەر قۇجاتسىز بەرٸلگەن. بۇل تٸزٸم بويىنشا ارحيۆتەگٸ مەلٸمەتتٸ سالىستىرۋ جٷرگٸزٸلٸپ جاتىر.
مەسەلەنٸ شەشۋ ٷشٸن ەكٸمدٸك "كەزەكتە" پورتالىن ٸسكە قوسقان. بۇل سىبايلاس جەمقورلىق دەرەگٸن بولدىرماۋعا مٷمكٸندٸك بەرەدٸ.
"تۇرعىن ٷي بٶلٸمٸنە كەلەتٸندەر سانى كٶپ. وندا سىبايلاس جەمقورلىق تەۋەكەلدەرٸ دە بار, سەبەبٸ كەزەكتە تۇرعاندار مەملەكەتتٸك مەكەمە قىزمەتكەرلەرٸمەن تٸكەلەي بايلانىستا بولادى. كەزەكتە تۇرعانداردىڭ 30 پايىزدان استامى قايتا تٸركەلمەگەن. بۇل رەتتە كەزەكتە تۇرعانداردىڭ كٶبٸ جەڭٸلدٸگٸ بارىن راستاماعان. تٸپتٸ بٸر رەت كەزەككە تۇرىپ, ۇمىتىپ كەتكەندەر دە بار. قايتا تٸركەلمەۋ كەزەكتەن شىعارۋعا نەگٸز ەمەس ەكەنٸن ەسكەرتەمٸن. سوندىقتان, مۇقتاجدىعى جوق تۇلعالاردى انىقتاۋ ٷشٸن "كەزەكتە" پورتالىن تولىق تٷگەندەۋ قاجەت بولدى", - دەدٸ ول.
وسىلايشا, تەكسەرۋ نەتيجەسٸندە 2054 ازامات كەزەكتەن شىعارىلعان.
