Foto:elements.envato.com
2015-2020 jyldar aralyǵynda Taldyqorǵan qalasynda 1 014 turǵyn úi men 330 páterdi berý kezinde zań buzylǵan. Bul derekterdi qala ákimi Áset Masabaev jýrnalistermen kezdesýde aitty, - dep habarlaidy Tengrinews.kz.
Jeke tulǵalar men memlekettik qyzmetkerler baspana alǵany belgili boldy. Endi máseleni sheshý úshin páterlerdi tiisti qurylymdarǵa qyzmettik paidalanýǵa berý usynylyp otyr. Halyqtyń áleýmettik osal toptaryna turǵyn úi berýde de zańbuzýshylyqtar anyqtalǵan. Qala ákiminiń aitýynsha, bul sanattaǵy azamattarǵa 700-ge jýyq úi men páter qujatsyz berilgen. Bul tizim boiynsha arhivtegi málimetti salystyrý júrgizilip jatyr.
Máseleni sheshý úshin ákimdik "KEZEKTE" portalyn iske qosqan. Bul sybailas jemqorlyq deregin boldyrmaýǵa múmkindik beredi.
"Turǵyn úi bólimine keletinder sany kóp. Onda sybailas jemqorlyq táýekelderi de bar, sebebi kezekte turǵandar memlekettik mekeme qyzmetkerlerimen tikelei bailanysta bolady. Kezekte turǵandardyń 30 paiyzdan astamy qaita tirkelmegen. Bul rette kezekte turǵandardyń kóbi jeńildigi baryn rastamaǵan. Tipti bir ret kezekke turyp, umytyp ketkender de bar. Qaita tirkelmeý kezekten shyǵarýǵa negiz emes ekenin eskertemin. Sondyqtan, muqtajdyǵy joq tulǵalardy anyqtaý úshin "KEZEKTE" portalyn tolyq túgendeý qajet boldy", - dedi ol.
Osylaisha, tekserý nátijesinde 2054 azamat kezekten shyǵarylǵan.
