تالدىقورعاندا 4 ايدان بەرٸ جالاقىسىن الماعان اۆتوبۋس جٷرگٸزۋشٸلەرٸ جۇمىسقا شىقپاي قويدى. سالدارىنان قالادا بٸرنەشە باعىت بويىنشا قوعامدىق كٶلٸك جٷرمەي, تۇرعىندار جاياۋ قالدى, دەپ حابارلايدى قازاقپارات.
«كٷندە ەرتەڭ, كٷندە ەرتەڭمەن جٸگٸتتەردٸڭ بەرٸ شارشادى. كٶبٸ پەتەر جالداپ تۇرادى. كرەديت بار. يپوتەكا دەگەن ەڭگٸمە. بۇلار كٷندە ەرتەڭمەن ەلدٸڭ بەرٸن شارشاتىپ بٸتٸردٸ. بٷگٸن شىقپاعان سەبەبٸمٸز سول. سونىمەن اقشا بەرگەنشە شىقپايمىز, تۇرامىز», - دەدٸ اۆتوبۋس جٷرگٸزۋشٸسٸ نۇردەۋلەت تٷندەباەۆ.
اۆتوپارك باسشىلىعى جولاۋشىلار تاسىمالى شىعىنى كٶپ سالا دەگەندٸ العا تارتىپ, جالاقىنىڭ كەشەۋٸلدەۋٸنە پاندەمييا سەبەپ بولعانىن ايتادى. قالا بيۋدجەتٸنە الاقان جايعان كەسٸپورىن كارانتيندە وقۋشى تاسىمالداۋعا بٶلٸنەتٸن سۋبسيدييادان قاعىلعان كٶرٸنەدٸ.
«جولاۋشىلار تاسىمالىنىڭ شىعىنى كٶپ. شىعىن كٶپ بولعاننان كەيٸن ەكٸمدٸككە تٶلەمٸمٸزدٸ بەرەمٸز. سول تٶلەمگە قاراپ سۋبسيدييا جاسايدى. سۋبسيدييا جاساعاننان كەيٸن ايلىق بەرە الامىز, سالىق تٶلەي الامىز, قۇرال-سايمان الا الامىز. بەرٸن جاساي الامىز», -دەدٸ سەرٸكتەستٸك ديرەكتورى بولات تٸلەۋباەۆ.
اتقارۋشى بيلٸك بۇل سەرٸكتەستٸك الدىندا بەرەشەگٸمٸز جوق دەيدٸ. تٸپتٸ كٶپبالالى انالار تاسىمالىنا بٶلٸنەتٸن قارجىنىڭ ەكٸ توقساندىق كٶلەمٸن تٶلەپ قويعان. ال جٷرگٸزۋشٸلەرگە جالاقى بەرٸلمەۋٸنٸڭ ناقتى سەبەپتەرٸن قۇزىرلى ورگاندار تەكسەرٸپ, انىقتايتىن بولادى.
