وسى اپتادا الماتى وبلىس ەكٸمٸنٸڭ جاڭادان تاعايىندالعان ورىنباسارى جاقسىلىق ومار العاشقى جۇمىس ساپارىن تالدىقورعان قالاسى مەن قاراساي, جامبىل اۋداندارىن ارالاۋدان باستادى. ٶڭٸردٸڭ باس يدەولوگى وبلىستىڭ ەلەۋمەتتٸك جەنە مەدەني دامۋ كٶرسەتكٸشتەرٸمەن تانىسىپ, جاڭادان بوي كٶتەرگەن مەديتسينا مەكەمەلەرٸنە, بٸرنەشە بٸلٸم ورداسىنا, تەاترعا, مۋزەيلەر مەن كٸتاپحانالارعا باس سۇقتى. انا مەن بالا دەنساۋلىعىنا باسا مەن بەرگەن جاقسىلىق مۇقاشۇلى پەرزەنتحانا باسشىلىعىنا دەرٸگەرلەردٸڭ بٸلٸكتٸلٸگٸن كٶتەرۋدٸ, سەبيلەر ٶلٸمٸنٸڭ الدىن الۋدى تاپسىردى. سونداي-اق, مۋزەي مەن كٸتاپحانالاردى ارالاپ كٶرگەن يدەولوگ جەتٸسۋ ٶلكەسٸنٸڭ تاريحىنان سىر شەرتەتٸن قۇندى جەدٸگەرلەردٸڭ ازدىعىن العا تارتتى. ال الاتاۋدىڭ ەتەگٸندە جالعاسقان جۇمىس ساپارىندا وبلىس ەكٸمٸنٸڭ ورىنباسارى جىر الىبى جامبىلدىڭ رۋحىنا تاعزىم ەتٸپ, شالعايداعى ەلدٸ مەكەندەردٸڭ مەدەني ٶمٸرٸمەن تانىستى.
ٶلكەدەگٸ ٶركەندٸ ٸستەر
وبلىس ەكٸمٸنٸڭ ورىنباسارى جاقسىلىق ومار (وڭ جاقتا) قاراساي اۋدانىنا ات باسىن بۇرىپ, ٶلكەنٸڭ تىنىس-تٸرشٸلٸگٸمەن تانىستى. اۋدان ەكٸمٸ ماحاببات بيگەلديەۆ قاسيەتتٸ قاراساي جەرٸنٸڭ جەتٸستٸكتەرٸن ايشىقتاپ, جاسالىپ جاتقان جۇمىستاردى كٶرسەتتٸ.
الدىمەن قىرعاۋىلدى اۋىلىنداعى بىلتىر عانا پايدالانۋعا بەرٸلگەن بالاباقشاعا كەلگەن جاقسىلىق مۇقاشۇلى بٷلدٸرشٸندەر ٷشٸن جاسالعان جاعدايعا ريزاشىلىعىن بٸلدٸردٸ. قىرعاۋىلدى – جاڭارعان ەلدٸ مەكەن. الماتىداي ٸرٸ مەگاپوليستٸڭ ٸرگەسٸندە ورنالاسقان اۋىل كٷن ساناپ ٶسٸپ, ٶركەن جايىپ كەلەدٸ. وسى ورايدا جاڭادان اشىلعان 320 ورىندى بالاباقشا تۇرعىندار ٷشٸن ەرەكشە سىي بولعانى انىق. تالاپقا ساي, زاماناۋي ٷلگٸدە سالىنعان جارىق تا كەڭ عيمارات ٸشٸنەن قامقور كٶڭٸلدٸڭ لەبٸ سەزٸلەدٸ. قازاق تٸلٸندە تەربيە بەرەتٸن مەكەمەدە ٶزگە ۇلتتىڭ ٶكٸلدەرٸ دە بارشىلىق.
– بالالارىنىڭ بولاشاعىن قازاقستانمەن بايلانىستىرعىسى كەلگەن ٶزگە ۇلتتىڭ ٶكٸلدەرٸ سەبيلەرٸن قازاق بالاباقشاسىنا بەرۋدٸ ٷردٸسكە اينالدىرىپ كەلەدٸ, – دەيدٸ وبلىستىق بٸلٸم باسقارماسىنىڭ باسشىسى لەززات بازارقۇلوۆا. – بٸز اتا-انالاردىڭ تٸلەكتەرٸن ەسكەرە كەلٸپ, ولاردى قازاق توپتارىنا قابىلداپ جاتىرمىز. قاجەت بولىپ جاتسا مۇندا ورىس توپتارىن اشۋعا دا مٷمكٸندٸك بار. الايدا ەزٸرگە ونداي سۇرانىس تٷسكەن ەمەس.
بٷلدٸرشٸندەردٸڭ ۇيىقتايتىن, وينايتىن, سپورتپەن شۇعىلداناتىن بٶلمەلەرٸن ارالاي كەلٸپ, ەن-كٷي بٶلمەسٸنە باس سۇققان جاقسىلىق مۇقاشۇلى ەستييار بالالار توبىنان مەملەكەتتٸك گيمندٸ ورىنداپ بەرگەندەرگە سىيلىق بەرەتٸنٸن ايتتى. وسى جەردە تۇرعان 20-عا جۋىق سەبيدٸڭ بٸرٸ قالماي گيمندٸ شىرقاي جٶنەلگەندە وبلىس ەكٸمٸنٸڭ ورىنباسارى ۋەدە بويىنشا بالالارعا ويىنشىقتار سىيعا تارتتى.
ٶڭٸر يدەولوگى قاسكەلەڭ قالاسىنداعى تاريحي-ٶلكەتانۋ مۋزەيٸندە بولىپ, ونداعى جەدٸگەرلەرمەن تانىستى. قوناقتاردى قارسى العان مۋزەي ديرەكتورى مەرييا قوجانوۆا مەن مەكەمە قىزمەتكەرلەرٸ قاراساي اۋدانىنىڭ تاريحى, وسى ٶلكەدە دٷنيەگە كەلٸپ, ەلٸنە ەڭبەك ەتكەن بەلگٸلٸ تۇلعالار جايلى ماعلۇماتتاردى جەتكٸزدٸ. قۇرمەتتٸ قوناق مۋزەيدٸڭ ەستەلٸكتەر كٸتابىنا قولتاڭبا قالدىرىپ, بولاشاقتا ەكسپوناتتاردى جاڭارتۋعا قاتىستى ويلارىن ورتاعا سالدى.
قاراساي اۋداندىق اۋرۋحاناسىمەن تانىسۋدى زەرتحانادان باستاعان جاقسىلىق مۇقاشۇلى مەملەكەت پەن جەكە بيزنەستٸڭ سەرٸكتەستٸگٸ اياسىندا جاسالىنعان زاماناۋي قۇرىلىمعا وڭ باعاسىن بەردٸ. «وليمپ» جاۋاپكەرشٸلٸگٸ شەكتەۋلٸ سەرٸكتەستٸگٸ قازاقستان بويىنشا ەلەمدٸك تالاپتارعا جاۋاپ بەرەتٸن 17 زەرتحانا اشىپ ٷلگەرٸپتٸ. قاسكەلەڭ قالاسىنداعى اۋرۋحانا عيماراتىنان اشىلعان 18-شٸ زەرتحاناعا 707 ميلليون تەڭگە سالىنسا, الداعى ۋاقىتتا ونى كەڭەيتە تٷسۋ جوسپارلانىپ وتىر.
قاسكەلەڭ قالاسىنداعى پەرزەنتحانا ٶلكەمٸزدەگٸ ەڭ وزىق مەكەمەلەردٸڭ بٸرٸ بولىپ سانالادى. مۇندا انالاردىڭ بوسانۋى مەن سەبيلەردٸ جەتٸلدٸرۋگە قاجەتتٸ قۇرىلعىلاردىڭ بەرٸ قامتاماسىز ەتٸلگەن. پەرزەنتحانانىڭ جۇمىسىمەن جەتە تانىسقان جاقسىلىق مۇقاشۇلى اۋرۋحانا ديرەكتورى سەۋلە ساۋرانباەۆاعا تۇرعىندارعا كٶرسەتٸلەتٸن مەديتسينالىق قىزمەتتٸڭ ساپاسىن ارتتىرۋدى تاپسىردى.
ٷشتەرەك اۋىلى – اۋدانداعى جاڭادان بوي كٶتەرگەن ەلدٸ مەكەندەردٸڭ بٸرٸ. تۇرعىنداردىڭ كٶپتٸگٸنە قاراماستان مۇندا باستاۋىش مەكتەپ قانا جۇمىس جاسايتىن. ال جوعارى سىنىپ وقۋشىلارى ٷشقوڭىر اۋىلىنا قاتىناپ وقىپ كەلگەن. وسىعان بايلانىستى مۇندا 300 ورىندى ورتا مەكتەپتٸڭ قۇرىلىسى باستالعانىنا دا كٶپ بولا قويعان جوق. جاقسىلىق مۇقاشۇلى مەكتەپتٸڭ قۇرىلىس قارقىنىمەن تانىسىپ, قۇرىلىسشىلارعا سەتتٸلٸك تٸلەدٸ.
وسىدان كەيٸن ٷشقوڭىر اۋىلىنداعى قاراساي باتىر اتىنداعى مەكتەپكە كەلگەن وبلىس ەكٸمٸنٸڭ ورىنباسارى سىنىپ بٶلمەلەرٸنە باس سۇعىپ, وقۋشىلارمەن, ۇستازدارمەن تٸلدەستٸ. ەركٸن ەڭگٸمە-سۇحبات بارىسىندا بٸلٸم شاڭىراعىنداعى احۋال جايلى, شەشٸمٸن كٷتكەن مەسەلەلەر تۋراسىندا اشىق ايتىلدى. جاقسىلىق مۇقاشۇلى مەكتەپ جانىنان اشىلعان «شاپاعات» مۇراجايىندا بولىپ, ەلباسىنىڭ بالالىق, جاستىق شاعىن باياندايتىن, ٷشقوڭىر اۋىلىنىڭ ٶتكەنٸ مەن بٷگٸنٸنەن حابار بەرەتٸن مۇراعاتتاردى تاماشالادى.
قۋات قايرانباەۆ
قاراساي اۋدانى.
جىر الىبىنا تاعزىم ەتتٸ
وبلىس ەكٸمٸنٸڭ ورىنباسارى جاقسىلىق ومار اقىندار مەن باتىرلار ەلٸ اتانعان اۋدانعا ساپارىن جامبىل اۋىلىنا بارۋدان باستادى. پوەزييا الىبىنىڭ رۋحىنا تاعزىم ەتٸپ, وسىنداعى اقىن مۋزەيٸندە ساقتاۋلى تۇرعان جەدٸگەرلەردٸ ارالاپ كٶردٸ.
بيىل عانا كٷردەلٸ جٶندەۋدەن ٶتٸپ, قايتا جاڭارعان تاريحي ورىننىڭ جۇمىسىمەن مۋزەي ديرەكتورى مەۋلەن قوجاشەۆ تانىستىردى. ودان كەيٸن اۋىلدىق مەدەنيەت ٷيٸنە باس سۇققان جاقسىلىق مۇقاشۇلى «سٷيٸنباي سازى» فولكلورلىق-ەتنوگرافييالىق انسامبلٸنٸڭ شاعىن كونتسەرتٸن تاماشالادى. ٶڭٸر يدەولوگى مەدەنيەت ٷيٸندە ورنالاسقان اۋىلدىق كٸتاپحانامەن تانىسىپ, اۋداندىق, وبلىستىق مەرزٸمدٸ باسىلىمداردىڭ تٸگٸندٸسٸنە نازار اۋداردى. «جەتٸسۋ» گازەتٸنٸڭ شٸلدە ايىنان بەرگٸ ساندارىنىڭ جوقتىعىن بٸردەن بايقاپ, ەسكەرتپە جاسادى. سونداي-اق, كٸتاپحاناشىلارعا تۇرعىنداردى قانداي كٸتاپتار قىزىقتىراتىنىن, اۋىل ادامدارىنا نەندەي باسپا ٶنٸمدەرٸ قاجەت ەكەنٸن زەردەلەۋدٸ تاپسىردى. كٸتاپ قورىنىڭ جاڭا ەدەبيەتپەن تولىعۋ جايىن سۇراپ بٸلدٸ.
جاقسىلىق وماردى جامبىل اۋداندىق ورتالىق اۋرۋحاناسىندا مەكەمە ديرەكتورى, وبلىستىق مەسليحات دەپۋتاتى دوعدىركٷل مولداحالىقوۆا دەنساۋلىق ساقتاۋ سالاسىنان حاباردار ەتتٸ. باس دەرٸگەردٸڭ ايتۋىنشا, 158 مىڭ تۇرعىنى بار اۋداندا 193 دەرٸگەر حالىققا قىزمەت كٶرسەتەدٸ. ناۋقاستار سانى 14800 ادام. سكرينينگتٸك تەكسەرۋمەن حالىقتىڭ 91 پايىزى قامتىلعان. اۋدان ورتالىعىنا جاڭا ەمحانا قاجەتتٸگٸ سەزٸلەدٸ. وبلىس ەكٸمٸنٸڭ ورىنباسارى كارديولوگييا كابينەتٸندەگٸ مەديتسينا قىزمەتكەرلەرٸمەن تٸلدەسٸپ, 800 ادامنىڭ جٷرەك-قانتامىرلارى سىرقاتىمەن تٸركەلگەنٸن, جٷرەككە وتا الماتى قالاسىندا جاسالاتىنىن بٸلدٸ. سونداي-اق, بالالار دەرٸگەرٸ, رەنتگەن, فليۋوروگرافييا, ماممولوگ, ونكولوگ, تەلەمەديتسينا كابينەتتەرٸنٸڭ جۇمىسىمەن تانىستى. وسىنداعى 25 ورىندى پەرزەنتحانادا بولىپ, انا مەن بالانىڭ ٶمٸرٸ مەن دەنساۋلىعىن قورعاۋ ٸسٸنە دەن قويدى. اۋدان بويىنشا 10 اكۋشەر-گينەكولوگ ەڭبەك ەتەدٸ. قازٸر 1500 جٷكتٸ ەيەل تٸركەۋگە الىنىپ, دەرٸگەر باقىلاۋىندا. بيىل بٸر ٷشەم دٷنيەگە كەلدٸ. قازٸر امان-ەسەن ٶسٸپ جاتىر, اۋدان باسشىلىعى تاراپىنان اتا-انالارىنا ٷي دە بەرٸلٸپتٸ.
ٶڭٸر باسشىسىنىڭ ورىنباسارى ودان كەيٸن جاڭاقۇرىلىس اۋىلىنداعى وسى وقۋ جىلىندا قولدانىسقا بەرٸلگەن ابدوللا قارساقباەۆ اتىنداعى ورتا مەكتەپكە ات باسىن تٸرەدٸ. سەۋلەتٸ كەلٸسكەن جاڭا عيمارات ەلباسىنىڭ «نۇرلى جول» باعدارلاماسى بويىنشا زاماناۋي ٷلگٸدە بوي كٶتەرگەن. 600 ورىندى بٸلٸم ۇياسىندا ەكٸ اۋىسىممەن 1200 وقۋشى وقيدى.
مەكتەپتٸڭ ەكٸ سپورت زالىندا ٶرەندەر ۆولەيبول, باسكەتبول ويناپ, دەنە شىنىقتىرادى. جاقسىلىق ومار سالاۋاتتىلىققا شاقىراتىن سپورت زالدارىن ارالاپ شىعىپ, جاڭا بٸلٸم ورداسىنىڭ 8-سىنىپ وقۋشىلارىمەن تٸلدەستٸ.
سەرٸك ساتىبالديەۆ
جامبىل اۋدانى.
قاتاڭ تالاپ قويىلدى
وبلىس ەكٸمٸنٸڭ ورىنباسارى جاقسىلىق ومار تالدىقورعان قالاسىنداعى ٸرگەلٸ مەديتسينا مەكەمەلەرٸن ارالاپ, تىنىس-تٸرشٸلٸگٸمەن تانىستى. العاشقى ات باسىن تٸرەگەن مەكەمە – وبلىستىق پەريناتالدىق ورتالىق بولدى. توقسانىنشى جىلداردىڭ باسىندا قولدانىسقا بەرٸلگەن مەديتسينالىق ەمدەۋ ورنىندا جىلىنا بەس مىڭعا جۋىق سەبي دٷنيەگە كەلەدٸ. مىسالى, بىلتىرعى جىلدىڭ 10 ايىندا 3694 نەرەستە جارىق دٷنيە ەسٸگٸن اشسا, بيىل وسى مەرزٸمدە 4105 بالا تۋعان. بۇل كٶرسەتكٸشتەر دەموگرافييالىق جاعدايىمىزدىڭ جاقسارىپ كەلە جاتقانىن ايعاقتايدى.
ورتالىقتا شالا تۋعان بالالاردى قالىپقا كەلتٸرەتٸن 9 «كيۋۆەز» اپپاراتى بار. وبلىس ەكٸمٸنٸڭ ورىنباسارى نەرەستەلەردٸ جارىق دٷنيەگە بەيٸمدەپ جاتقان بٶلمەگە ارنايى باس سۇقتى. مۇندا دەل وسى ۋاقىتتا 4 بالا بار ەكەن. نەرەستەلەر تٸرشٸلٸك بەلگٸسٸن بايقاتىپ, قول-اياقتارىن ەلسٸز قوزعالتىپ قويادى. جاقسىلىق مۇقاشۇلى مەديتسينا مەكەمەسٸنٸڭ ديرەكتورى قانات جۇماشەۆتان بالالاردىڭ سالماعىنىڭ جەتٸلمەي تۋۋىنا نە سەبەپ ەكەنٸن سۇرادى. دەرٸگەر بۇل سۇراققا: «سەبيلەر سالماعىنىڭ جەتٸلمەي تۋۋىنا, بٸرٸنشٸدەن, اناسىنىڭ بٷيرەگٸندەگٸ سىرقات سەبەپ. بٷيرەك جەتٸسپەۋشٸلٸگٸ سالدارىنان بالا تۋۋدى كٶتەرە المايتىن انالار بولادى. بٸراق, كەز كەلگەن ەيەل دٷنيەگە سەبي ەكەلگٸسٸ كەلەدٸ. سوندىقتان, بٸرازى جٷكتٸ بولعاننان كەيٸن «قاۋٸپتٸ جاعدايدى دەرٸگەرلەر ەسكەرتتٸ, بٸراق ٶزٸم بالا تۋۋعا بەل بايلادىم» دەگەن ماعىنادا قولحات جازىپ بەرەدٸ. ودان ەرٸ قاراي «تەۋەكەل توبىنا» جاتقىزىلعان انا مەن بالانىڭ دەنساۋلىعىن قاداعالاعاننان باسقا امال قالمايدى», – دەپ جاۋاپ بەردٸ. جاقسىلىق ومار ەمدەۋ مەكەمەسٸن ارالاۋ بارىسىندا كٶپتەگەن كەمشٸلٸكتٸڭ بارىنا كٶز جەتكٸزدٸ. بٸرٸنشٸدەن, مەكەمە ٸشٸ قاراكٶلەڭكە. جارىقشامدار از. اسحاناعا كٸرگەندە ٷستەل-ورىندىقتاردىڭ ەسكٸ, زامان تالابىنا ساي ەمەس ەكەندٸگٸنە كۋە بولدىق. اسحانادا ٸلٸنٸپ تۇرۋى تيٸس اس مەزٸرٸ دە جوق. بوساناتىن ەيەلدەردٸڭ قانداي تاماق ٸشەتٸندٸگٸن بٸلگٸسٸ كەلگەن باسشى مەزٸرگە قانىعا المادى. سونداي-اق, 7-8 ەيەلدٸڭ بٸر پالاتادا جاتقاندىعى دا كٶڭٸلدەن شىقپادى. ەمدەلۋشٸلەر تەلەديدار كٶرٸپ, ەڭگٸمەلەسٸپ وتىرۋى تيٸس ورىن بوس تۇر. تەلەديدار, ديۆان قويىلماپتى.
وبلىس ەكٸمٸنٸڭ ورىنباسارى مامانداردى وقىتۋعا باسا كٶڭٸل بٶلۋ كەرەكتٸگٸن ايتتى. «الماتىعا بارىپ, وقىپ كەلدٸ دەيسٸز. جاقىن قالاعا بارۋ قىدىرىپ كەلۋ دەگەن سٶز. وقىتساڭىز وزىق ٷلگٸلٸ شەتەل مەديتسيناسىن مەڭگەرتٸڭٸز, تٸپتٸ بولماعاندا رەسەيگە بارىپ تەجٸريبە جيناسىن ماماندار. بٸر اي ەمەس, بٸرنەشە ايعا جٸبەرٸپ وقىتۋ كەرەك. پەريناتالدىق ورتالىق بولعاننان كەيٸن باسقالارعا بٸلٸكتٸلٸگٸ جوعارى, كەسٸبي مامان رەتٸندە كٶمەك كٶرسەتۋلەرٸڭٸز كەرەك. ول ٷشٸن سٸزدەردە تەلەمەديتسينا جوق. مەديتسيناعا جىلىنا قىرۋار قارجى بٶلٸنەدٸ. سونى دۇرىس يگەرٸپ, ەڭ قاجەت اپپاراتتار الۋ كەرەك. وسى كەمشٸلٸكتەردٸڭ ورنىن تولتىرۋ ٷشٸن بٸر اي مەرزٸم بەرەمٸن. بٸر اي ٶتكەن سوڭ قايتا كەلٸپ تەكسەرەمٸن, – دەدٸ.
مۇنان كەيٸن جاقسىلىق مۇقاشۇلى 250 ادامعا ارنالعان وبلىستىق اۋرۋحاناعا باردى. وندا جانساقتاۋ بٶلٸمٸن, ينسۋلت ورتالىعىن, جاراقات بٶلٸمٸن كٶردٸ. مەكەمە باسشىسى مۇرات راحمەتوۆ اۋرۋحاناعا اۋا سورعىشتىڭ كەرەك ەكەنٸن ايتتى. وبلىس ەكٸمٸنٸڭ ورىنباسارى كەلەسٸ كەزەكتە قالالىق كٶپسالالى اۋرۋحاناعا باس سۇقتى. وندا زامان تالابىنا ساي ماگنيتتٸك رەزونانستىق توموگرافييانىڭ جۇمىسىمەن تانىستى. كومپيۋتەرلٸك جٷيە بويىنشا جۇمىس ٸستەپ جاتقان ەمدەۋ مەكەمەسٸندەگٸ جاڭالىقتارعا قانىقتى. مۇندا دا بٸراز كەمشٸلٸكتٸڭ بارى انىقتالدى. مامان جەتٸسپەيدٸ. سونداي-اق, سۋ قۇبىرى دۇرىس ٸستەمەيدٸ. مەكەمە باسشىسى سەۋلە رىسبەكقىزى بۇل كەمشٸلٸككە مەردٸگەردٸڭ كٸنەلٸ ەكەنٸن ايتتى. دەسە دە, پايدالانۋعا بەرٸلگەن ەمدەۋ ورنىندا ىستىق سۋدىڭ جوقتىعى كٶڭٸلگە قونباس مەسەلە ەكەنٸ بەلگٸلٸ.
مۇنان كەيٸن باسشى مەدەني وشاقتاردىڭ بٸرنەشەۋٸنٸڭ جاعدايىنا قانىقتى. الدىمەن مۇحامەتجان تىنىشپاەۆ اتىنداعى وبلىستىق تاريحي-ٶلكەتانۋ مۇراجايىنا باس سۇقتى. وندا دا مۇراعاتتىق قۇندى دٷنيەلەردٸڭ ازدىعى جەنە جٶندەۋ جۇمىسىنىڭ كەرەكتٸگٸ سٶز بولدى.
وبلىس ەكٸمٸنٸڭ ورىنباسارى تٷستەن كەيٸن بٸلٸم شاڭىراقتارىن ارالادى. ماڭدايالدى بٸلٸم شاڭىراعى № 24 ەكونوميكا-بيزنەس ارناۋلى ليتسەيٸ جەنە «اينالايىن» بالالار ٷيٸنٸڭ تىنىس-تٸرشٸلٸگٸمەن تانىستى. بالالارمەن ەڭگٸمەلەسٸپ, ارمان-تٸلەكتەرٸ جايى سۇرادى.
قالاداعى №20 مەكتەپ-ليتسەي №4 مەكتەپپەن بٸر عيماراتتا وتىر. وسىنداي سەبەپتەردەن اسحانا, سپورت زالدى پايدالانۋ قيىندىق تۋدىرۋدا. وبلىس ەكٸمٸنٸڭ ورىنباسارى بولاشاقتا مەكتەپتٸڭ ٶزەكتٸ مەسەلەسٸن شەشۋ باعىتىندا جۇمىس جٷرگٸزەتٸنٸن ايتتى. جۇمىستى سارالاۋ بارىسىندا وبلىس ەكٸمٸنٸڭ ورىنباسارى كٶپتەگەن كەمشٸلٸكتٸڭ ورىن الىپ وتىرعاندىعىن انىقتاپ, تٷزەتۋ ٷشٸن مەرزٸم بەردٸ. تالاپشىل باسشى ٸستٸ ٶنٸمدٸ جٷرگٸزۋ ٷشٸن جۇمىستىڭ رەتٸن تابۋ كەرەك ەكەنٸن باسا ايتتى.
گٷلجان تۇرسىن
"جەتٸسۋ" گازەتٸ
