سۋرەت: liter.kz
تالدىقورعاندا ەيەل ازاماتتىق نەكەدەگٸ كٷيەۋٸن ٶلتٸردٸ دەگەن كٷدٸككە ٸلٸندٸ, - دەپ حابارلايدى Tengrinews.kz پورتالى.
11 قاڭتاردا تالدىقورعان پوليتسيياسىنا كٶپقاباتتى تۇرعىن ٷيدٸڭ بٸرٸندەگٸ پەتەردەن دەنەسٸندە پىشاق جاراقاتتارىمەن 42-جاستاعى ەر ادامنىڭ مەيٸتٸ تابىلعانى تۋرالى حابارلاما كەلٸپ تٷستٸ. پەتەر ازاماتتىق نەكەدەگٸ ەرلٸ-زايىپتىعا جالعا بەرٸلگەن, ولار سول كٷنٸ كەشكە قۇربىسىمەن مەرەكەلٸك وتىرىستا ٸشٸمدٸك ٸشكەنٸ انىقتالدى.
"بۇل دەرەك بويىنشا ەر ادامنىڭ ٶلٸمٸنە ازاماتتىق نەكەدە بٸرگە تۇراتىن 33 جاستاعى ەيەلدٸڭ قاتىسى بار ەكەنٸ بەلگٸلٸ بولدى. ەيەل ۇستالىپ, قاماۋعا الىندى. قىلمىستىق ٸس ماتەريالدارىنا ايعاق رەتٸندە وقيعا ورنىنان تابىلعان اسٷي پىشاعى, سونداي-اق, قىلمىستىڭ كۋەگەرٸ بولعان ەرلٸ-زايىپتىنىڭ قوناعىنان جاۋاپ الىندى", - دەيدٸ تالدىقورعان قالاسىنىڭ پوليتسيياسى باستىعىنىڭ ورىنباسارى شىڭعىس نۇراحيموۆ.
بۇل دەرەك بويىنشا قر قك 99-بابىنا (ادام ٶلتٸرۋ) سەيكەس تەرگەۋ امالدارى جٷرگٸزٸلٸپ جاتىر.
