الماتىدا دەرٸگەرلەر تال تٷبٸنەن تابىلعان 4 جاسار بالانىڭ دەنساۋلىعى تۋرالى ايتتى, دەپ حابارلايدى قازاقپارات تٸلشٸسٸ.
بالالارعا شۇعىل مەديتسينالىق كٶمەك كٶرسەتۋ ورتالىعى باس دەرٸگەرٸنٸڭ مٸندەتٸن اتقارۋشى دٸنمۇحاممەد رۋزۋددينوۆتىڭ ايتۋىنشا, بالانىڭ جاعدايى بٸرقالىپتى اۋىر دەپ باعالانعانمەن, كلينيكالىق تۇرعىدان بٸرقاتار جاقسارۋ بايقالادى.
«بالانىڭ قازٸرگٸ جاعدايى ەلٸ دە اۋىر. بٸراق بالا ەسٸن جيعان. اناسىنىڭ ايتۋىنشا, تاماق, سۋ ٸشٸپ جاتىر. وڭ قولىندا بۇلشىقەتتٸڭ ەلسٸرەۋٸ - گەميپارەز بار ەدٸ. قازٸر سەل قيمىلداي باستادى. بٸر زات بەرسەڭ, كٶتەرەدٸ. قازٸر تەك سٶيلەۋ جاعى سەل قيىنداۋ بولىپ جاتىر. كٷنٸنە 1-2 سٶز عانا ايتىپ جاتىر. بٷگٸندە بالاعا كەپٸلدەندٸرٸلگەن مەديتسينالىق كٶمەك كٶلەمٸ اياسىندا تەگٸن ەم-دوم جاسالىپ جاتىر», - دەدٸ د.رۋزۋددينوۆ.
مۇنىڭ الدىندا دەرٸگەرلەر جارتى جىل شاماسىندا بالاعا قايتا وتا جاسالىپ, ساماي سٷيەگٸ قالپىنا كەلتٸرٸلەتٸنٸن ايتقان بولاتىن. ەزٸرگە ونىڭ ميى تەرٸمەن قاپتالعان.
«بالا ەم العان سوڭ 2 اپتا نە 1 ايداي ۋاقىتتا دەمالىپ, قايتا اۋرۋحاناعا جاتقىزىلادى, سٶيتٸپ رەابيليتاتسييالىق ەم-دوم الادى. قازٸر بالانىڭ باس سٷيەگٸنٸڭ ورنى اشىق, تەك تەرٸمەن جابىلىپ تۇر. 3-6 اي ارالىعىندا سٷيەك قايتا ورنىنا سالىنىپ, جابىلۋى كەرەك. سونىمەن بالانىڭ جاعدايى جاقسارۋى تيٸس», - دەدٸ الماتىداعى بالالار شۇعىل مەديتسينالىق كٶمەك كٶرسەتۋ ورتالىعىنىڭ باس دەرٸگەرٸ اباي قۇسايىنوۆ.
ايتا كەتۋ كەرەك, قايعىلى وقيعا 16 شٸلدە كٷنٸ ودەسسكايا مەن بريانسكايا كٶشەسٸندە بولاتىن. تۇرعىندار تال تٷبٸنەن ەس-تٷسسٸز جاتقان 4 جاسار بالانى تاۋىپ العان. بالا شالاجانسار كٷيٸندە شۇعىل اۋرۋحاناعا جەتكٸزٸلٸپ, وتا جاسالدى. بٷلدٸرشٸن اۋىر جاراقاتتان 2 اپتاداي كومادا جاتتى.
الماتى پوليتسيياسى اتالعان دەرەككە بايلانىستى كٷدٸكتٸ رەتٸندە ەكەسٸن ۇستادى. بالانىڭ ەكەسٸ مۇرات اسقاروگلى ٶزٸنٸڭ كٸنەسٸن مويىنداپ, قازاقستاندىقتاردان كەشٸرٸم سۇرادى. ەر ادام ماستىقتان ەسەڭگٸرەپ تۇرعاندا بالاسىنىڭ قىڭقىلىن كٶتەرە الماي سامايىنان تاسپەن ۇرعان.
