تاقىرىپتى تٷسٸندٸرۋ تەك تەلەساباق كەزٸندەگٸ ۆيدەومەن شەكتەلمەيدٸ. بۇل تۋرالى بٷگٸن ونلاين بريفينگٸدە قر بٸلٸم جەنە عىلىم ۆيتسە-مينيسترٸ شولپان كارينوۆا مەلٸم ەتتٸ, دەپ حابارلايدى قازاقپارات.
«جالپى, بٸزدٸڭ قوعام مەكتەپتەردە بٸر ساباقتىڭ 40 مينۋتقا سوزىلعانىنا ٷيرەنٸپ قالعان. سوندىقتان «تەلەساباق نەگە 10 مينۋت بولىپ بەلگٸلەندٸ» دەگەن سۋالدار ورىندى. بۇل 10 مينۋتتىق ساباقتاردىڭ ٸشٸندە مۇعالٸمنٸڭ جاڭا تاقىرىپتى تٷسٸندٸرۋٸ قامتىلعان. اتاپ ايتقاندا, ساباق وسىمەن اياقتالمايدى. 10 مينۋتتىق كٶرسەتٸلٸمنەن كەيٸن, ەر مۇعالٸم ٶزٸنٸڭ سىنىبىنداعى بالالارمەن جەكەلەي جۇمىس جٷرگٸزەدٸ. تاقىرىپتى تٷسٸندٸرۋ تەك تەلەساباق كەزٸندەگٸ ۆيدەومەن شەكتەلمەيدٸ», - دەدٸ ۆيتسە-مينيستر.
وسى ورايدا ول وقۋشىنىڭ قولىندا وقۋ قۇرالدارى مەن وقۋلىعى, ەدٸستەمەلٸك نۇسقاۋلىقتارى بار ەكەنٸن ەسكە سالدى. بالالار وقۋلىقتان تيٸستٸ ماتەريالداردى پايدالانىپ, تاقىرىپتى ٶزدٸگٸنەن يگەرە الادى.
«تەلەفورماتتان كەيٸن ەر مۇعالٸم ٶزٸنٸڭ وقۋشىلارىنا تاپسىرمالار بەرەدٸ. تەلەديداردان ساباقتى كٶرگەننەن كەيٸن, وقۋشى ٷشٸن تاقىرىپ اياقتالمايدى. وقۋشىلار تاپسىرمانى تٷسٸنگەندٸگٸ جايىندا, ورىنداعان تاپسىرمالارى بويىنشا كەرٸ بايلانىس ارقىلى مۇعالٸمٸن حاباردار ەتەدٸ. سەيكەسٸنشە, 40 مينۋتقا تاتيتىن ساباق ٶتكٸزٸلگەنمەن تەڭ بولادى», - دەدٸ شولپان كارينوۆا.
