Taqyrypty túsindirý tek telesabaq kezindegi videomen shektelmeidi. Bul týraly búgin onlain brifingide QR Bilim jáne ǵylym vitse-ministri Sholpan Karinova málim etti, dep habarlaidy QazAqparat.
«Jalpy, bizdiń qoǵam mektepterde bir sabaqtyń 40 minýtqa sozylǵanyna úirenip qalǵan. Sondyqtan «telesabaq nege 10 minýt bolyp belgilendi» degen sýaldar oryndy. Bul 10 minýttyq sabaqtardyń ishinde muǵalimniń jańa taqyrypty túsindirýi qamtylǵan. Atap aitqanda, sabaq osymen aiaqtalmaidy. 10 minýttyq kórsetilimnen keiin, ár muǵalim óziniń synybyndaǵy balalarmen jekelei jumys júrgizedi. Taqyrypty túsindirý tek telesabaq kezindegi videomen shektelmeidi», - dedi vitse-ministr.
Osy oraida ol oqýshynyń qolynda oqý quraldary men oqýlyǵy, ádistemelik nusqaýlyqtary bar ekenin eske saldy. Balalar oqýlyqtan tiisti materialdardy paidalanyp, taqyrypty ózdiginen igere alady.
«Teleformattan keiin ár muǵalim óziniń oqýshylaryna tapsyrmalar beredi. Teledidardan sabaqty kórgennen keiin, oqýshy úshin taqyryp aiaqtalmaidy. Oqýshylar tapsyrmany túsingendigi jaiynda, oryndaǵan tapsyrmalary boiynsha keri bailanys arqyly muǵalimin habardar etedi. Sáikesinshe, 40 minýtqa tatityn sabaq ótkizilgenmen teń bolady», - dedi Sholpan Karinova.
