اقدانا ەليەۆا شىمكەنت قالاسىنان استاناعا جالداعان تاكسي جٷرگٸزۋشٸسٸ 4 جاسار قىزىن ۇرلاماق بولعانىن ايتىپ بەردٸ, دەپ حابارلايدى Ult.kz.
اقدانا كٷيەۋٸمەن جول بويىندا دٷكەنگە كٸرگەن, سول كەزدە تاكسي جٷرگٸزۋشٸسٸ كٸشكەنتاي قىزدى الىپ, كەتٸپ قالعان.
"كٷيەۋٸم ماشيناعا وتىرۋعا بارا جاتقان كەزدە ول ماشينامەن تەز قاسىنان ٶتٸپ كەتەدٸ. كٷيەۋٸم توقتايتىن شىعار دەپ ماشينانىڭ ارتىنان جٷرگەن. ونىڭ باسىنا بالامدى الىپ قاشىپ كەتەدٸ دەگەن وي كٸرمەگەن عوي. بٸزبەن بٸرگە كەلە جاتقان تاعى بٸر بٶتەن جولاۋشىنى ماشيناعا وتىرعىزعان, سوسىن ەكەۋٸ قاتتى كەتٸپ قالعان. كٷيەۋٸم ماشينادا بالا وتىرعانىن تٷسٸنٸپ, ارتىنان جٷگٸرەدٸ. ماشينا كەتٸپ قالعاندا كٷيەۋٸم مەنٸڭ قاسىما كەلٸپ, "تەلەفوندى ەكەل, بالانى الىپ كەتتٸ, بالانى الىپ كەتتٸ! " دەدٸ", - دەپ باياندادى ول ٶزٸنٸڭ instagram پاراقشاسىندا.
كەيٸن تاكسي جٷرگٸزۋشٸسٸنە حابارلاسقاندا جٷرگٸزۋشٸنٸڭ تەلەفونى سٶندٸرۋلٸ بولعان. سوندان ولار پوليتسيياعا حابارلاسىپ, مەن-جايدى ايتىپ بەرگەن.
25 مينۋت ٶتكەندە تاكسي جٷرگٸزۋشٸسٸ قايتىپ كەلٸپ, تەلەفونى ٸستەمەي قالعانىن, اتا-اناسىنىڭ كٶلٸكتە جوق ەكەنٸن بايقاماي قالعانىن ايتىپ, بالانى قايتارعان.
اقدانا ەليەۆا بۇل قاساقانا جاسالعان ەرەكەت دەپ ەسەپتەيتٸنٸن ايتادى. ونىڭ پٸكٸرٸنشە تاكسيست بٷلدٸرشٸندٸ بۇل ٸسكە پوليتسييا ارالاسقاسىن عانا قايتاردى.
