1 تامىزدان بەرٸ تاعى 21 ەلدٸ مەكەنننٸڭ ەكٸمٸ تٸكەلەي سايلاۋ ارقىلى قىزمەتكە كەلگەن. بۇل تۋرالى قر پرەزيدەنتٸنٸڭ كٶمەكشٸسٸ ەرلان قارين Telegram-داعى پاراقشاسىندا جازدى, دەپ حابارلايدى قازاقپارات.
«بيىل 25 شٸلدەدە ەلٸمٸزدٸڭ 730 اۋىلدىق وكرۋگٸندە العاش رەت ەكٸمدەردٸڭ تٸكەلەي سايلاۋى ٶتكەن. بۇل - بٸر رەتتٸك ناۋقان ەمەس. ەكٸمدەردٸڭ ٶكٸلەتتٸ مەرزٸمٸ اياقتالۋىنا قاراي سايلاۋ باسقا ەلدٸ مەكەندەردە دە ٶتەدٸ. ٸس جٷزٸندە اپتا سايىن قازاقستاننىڭ قانداي دا بٸر ٶڭٸرٸندە اۋىل تۇرعىندارى ٶز ەكٸمٸن سايلايدى. 1 تامىزدان باستاپ تٸكەلەي داۋىس بەرۋ ارقىلى تاعى 21 اۋىلدىق وكرۋگتٸڭ باسشىلارى سايلاندى. سوندا بٷگٸنگە دەيٸن بارلىعى 751 اۋىلدىق وكرۋگتە ەكٸم سايلاۋى ٶتكەن», - دەپ جازدى پرەزيدەنتتٸڭ كٶمەكشٸسٸ.
ونىڭ ايتۋىنا قاراعاندا, سايلانعان ەكٸمدەردٸڭ 86%-ىن ساياسي پارتييالار كانديدات رەتٸندە ۇسىنسا, 14%-ى ٶزٸن-ٶزٸ ۇسىنعان.
«سايلانعان ەكٸمدەردٸڭ 50%-عا جۋىعى – بۇرىن ەكٸم لاۋازىمىندا جۇمىس ٸستەپ كٶرمەگەن جاڭا تۇلعالار. وسىلايشا, تٸكەلەي سايلانبالى جٷيەنٸڭ ەنۋٸ اۋىل ەكٸمدەرٸ كورپۋسىنىڭ جاڭارۋىنا سەپتٸگٸن تيگٸزٸپ جاتىر دەپ ايتۋعا بولادى. جىل سوڭىنا دەيٸن تاعى 70-تەن استام اۋىلدىق وكرۋگتە ەكٸم سايلاۋىن ٶتكٸزۋ جوسپارلانىپ وتىر», - دەيدٸ ەرلان قارين.
