يندونەزييادا ٶتٸپ جاتقان جازعى ازييا ويىندارىندا قازاقستاندىق تاەكۆوندوشى فاريزا الدونعاروۆا 53 كەلٸدە قولا مەدال الدى. ول جارتىلاي فينالدا تايپەيلٸك سي پو ياننان جەڭٸلدٸ, دەپ حابارلايدى ازاتتىق تٸلشٸسٸ.
الدونعاروۆا العاشقى اينالىمدا ٶزبەكستاندىق دينوراحان ماماديبراگيموۆانى 17:16 ەسەبٸمەن, شيرەك فينالدا يراندىق ەلاح شەيدايدى 11:3 ەسەبٸمەن جەڭدٸ.
- بٸرٸنشٸ كەزدەسۋدە ٶزٸمە سەنبەگەندەي بولدىم. بٸراق دايىندىعىمدى, قازاقستاندا جانكٷيەر بولىپ وتىرعان اتا-انامنىڭ, مەنٸمەن بٸرگە جارىسقا كەلگەن باپكەرلەرٸمنٸڭ ٷمٸتٸن اقتاۋعا تىرىستىم. ٶزبەكستان سپورتشىسىمەن وسىعان دەيٸن ەكٸ رەت كەزدەسٸپ, بٸرٸنشٸ كەزدەسۋدە مەن, ەكٸنشٸسٸندە ول جەڭٸسكە جەتكەن. ال تايپەيلٸك سپورتشىمەن بٸرٸنشٸ رەت كەزدەستٸم. 2014 جىلعى ازييا ويىندارىنا دا قاتىسقان ەدٸم. ول كەزدە بٸرٸنشٸ اينالىمدا يراندىق سپورتشىدان جەڭٸلٸپ قالعانمىن. ال بيىلعى ازييا ويىندارىنا الماتىدا جەنە وڭتٷستٸك كورەيا دايىندالدىق. وڭتٷستٸك كورەيادا ٷش اپتاداي دايىندالدىق, - دەيدٸ سپورتشى.
بۇل - قازاقستاننىڭ بيىلعى ازييا ويىندارىنداعى بەسٸنشٸ مەدالٸ. 19 تامىزدا قازاقستاندىق سەمسەرلەسۋشٸ دميتريي الەكسانين التىن العان. ەركٸن كٷرەستەن قازاقستان ەرلەر قۇراماسى بٸر كٷمٸس, ەكٸ قولا يەلەنگەن.
قازاقستاننان ازياداعا 440 سپورتشى قاتىسادى. ازييا ويىندارى قىركٷيەكتٸڭ 2-cٸ كٷنٸ اياقتالادى.
