تٷركٸستاندا تاەكۆوندودان ٶتكەن سٷيٸلٸش باتىردى ەسكە الۋعا ارنالعان IV رەسپۋبليكالىق تۋرنيرٸ ٶز مەرەسٸنە جەتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
جالپى جارىستا ٶزبەكستان, قىرعىزستان, تەجٸكستان مەملەكەتتەرٸ جەنە ەلٸمٸزدٸڭ بارلىق ايماعىنان كەلگەن 700-دەن استام سپورتشى باق سىنادى. دەستٷرلٸ تۋرنيردە كادەتتەر, جاستار مەن جاسٶسپٸرٸمدەر 50 سالماق دەرەجەسٸ بويىنشا سىنعا تٷستٸ.
سٷيٸلٸش باتىر كەسٸبي سپورت كلۋبىنىڭ پرەزيدەنتٸ ەرجان نۇرشيلوۆتىڭ دەمەۋشٸلٸگٸمەن ٶتكەن سايىس جٷلدەگەرلەرٸ ديپلوم جەنە مەدالدارمەن ماراپاتتالدى. جاستار جەنە جاسٶسپٸرٸمدەر اراسىندا بٸرٸنشٸ ورىن العان سپورتشىلار مەن جاتتىقتىرۋشىلارىنا قارجىلاي سىيلىق تابىستالدى.
كوماندالىق ەسەپتە بٸرٸنشٸ ورىن العان ەلوردالىق قاجىمۇقان سپورت كلۋبىنىڭ ٶكٸلدەرٸ «سٷيٸلٸش باتىر» اتىنداعى اۋىسپالى بەلبەۋٸن يەلەندٸ. جارىستىڭ باس تٶرەشٸسٸ دەۋرەن العاباەۆتىڭ ايتۋىنشا, ەرەجە بويىنشا قاي كوماندا ەكٸ جىل قاتارىنان جەڭٸمپاز اتانسا, بەلبەۋ سول كوماندا قورجىنىنا بۇيىرادى.
تٷركٸستان وبلىسىنىڭ تالانتتى سپورتشىلارى جەڭٸسكە جەتٸپ, ٶزدەرٸنٸڭ مىقتىلىقتارىن كٶرسەتتٸ. جاستار اراسىندا ٶڭٸر نامىسىن قورعاعان 55 كەلٸدەگٸ عاني قۇلىمبەت پەن 68 كەلٸدە ٶنەر كٶرسەتكەن نازىم ماحمۇتوۆا, 32 كەلٸدە زارنيگور تولكينوۆالار التىن القانىڭ يەسٸ اتاندى. ال, جاسٶسپٸرٸمدەر اراسىندا سىنعا تٷسكەن 28 كەلٸدە شۇعىلا مىرزاحان مەن 34 كەلٸدەگٸ ايسەۋلە ماحامبەتكە تەڭ كەلەر قارسىلاس بولمادى.
