فوتو: سكرينشوت
ەنشٸ ديماش قۇدايبەرگەننٸڭ ەكەسٸ قانات ايتباەۆ ۇلىنىڭ سوڭعى كونتسەرتٸ الدىندا دەنساۋلىعى كٷرت ناشارلاپ كەتكەنٸن ايتتى, دەپ حابارلايدى Ult.kz Beksports.kz سايتىنا سٸلتەمە جاساپ.
ونىڭ سٶزٸنشە, كونتسەرت بولاتىن كٷنٸ ديماشتىڭ دەنە قىزۋى 40 گرادۋسقا دەيٸن كٶتەرٸلگەن, بٸراق ول تىڭدارماندارىن رەنجٸتپەۋ ٷشٸن شارانى توقتاتپاۋعا شەشٸم قابىلداعان.
"كونتسەرت ٶتەتٸن كٷنٸ جاعدايى ناشارلاپ كەتتٸ. دەنە قىزۋى 40 گرادۋس بولىپ تۇردى. كونتسەرتتٸ توقتاتا المايمىز, تىم كەش. سول كٷنٸ ساحنانىڭ ارتىندا جەدەل جەردەم قىزمەتكەرلەرٸ كەزەكشٸلٸكتە تۇردى. جيٸ-جيٸ ينە سالىپ تۇردى. وسىعان قاتتى الاڭدادىق. مۇنداي جاعدايدا كونتسەرت ەڭ الدىمەن تىڭدارماندارىنا دەگەن شەكسٸز ماحاببات ارقىلى عانا ٶتكٸزٸلدٸ. مۇنداي جاعدايدا كونتسەرت ٶتكٸزۋ ٶتە قيىن. بٸراق ديماش ونى جاساي الدى", — دەدٸ قانات ايتباەۆ.
جەلٸ قولدانۋشىلارى ەنشٸنٸڭ كەسٸبيلٸگٸ مەن جانكٷيەرلەرٸنە دەگەن قۇرمەتٸنە جوعارى باعا بەرٸپ, قولداۋ بٸلدٸرۋدە.
