قىزىلوردا قالاسىنىڭ تۇرعىندارى سىردارييانىڭ سول جاعالاۋىندا باستالعان جاڭا قالانىڭ العاشقى ٸرگەتاسى قالانعان تاريحي سەتكە كۋە بولدى, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
مەملەكەت باسشىسى ن.ە.نازارباەۆتىڭ «قازاقستاننىڭ ٷشٸنشٸ جاڭعىرۋى: جاھاندىق بەسەكەگە قابٸلەتتٸلٸك» دەپ اتالاتىن جولداۋىندا قۇرىلىس سەكتورىن دامىتىپ, ونىڭ وتاندىق ەكونوميكانىڭ تولىققاندى درايۆەرٸنە اينالۋى تيٸس دەپ مٸندەت قويىلعان ەدٸ.
جولداۋداعى تاپسىرماعا سەيكەس 2017 جىلى وبلىس بويىنشا بارلىق قارجىلاندىرۋ كٶزدەرٸنەن 2211 پەتەرلٸ 150,3 شارشى مەتردٸ قۇرايتىن 40 كٶپقاباتتى تۇرعىن ٷي قۇرىلىسىن جٷرگٸزٸپ, پايدالانۋعا بەرۋ جوسپارلانۋدا. وسى سالاداعى كەڭ اۋقىمدى مەسەلە سىردارييانىڭ سول جاعالاۋىنان قىزىلوردا قالاسىنىڭ باس جوسپارى نەگٸزٸندە جاڭا قالا قۇرىلىسىن باستاۋ بولاتىن.
سالتاناتتا وبلىس ەكٸمٸ ق.كٶشەرباەۆ ٶز لەبٸزٸن بٸلدٸردٸ.
– بٸز بٷگٸن تاريحي سەتتٸڭ كۋەسٸ بولىپ وتىرمىز. سىردارييانىڭ سول جاعالاۋىن يگەرۋدٸڭ العاشقى قادامى رەتٸندە بىلتىر دارييا ٷستٸنەن جاڭا كٶپٸر پايدالانۋعا بەرٸلدٸ. بٷگٸن سول جاعالاۋدان 18 كٶپقاباتتى تۇرعىن ٷي مەن 320 ورىندىق بالا باقشانىڭ ٸرگەتاسى قالانباق. بۇل نىساندار قۇرىلىس كومپانييالارىنىڭ ٶز قاراجاتى ەسەبٸنەن سالىنعالى تۇر. ال, 742 ملن تەڭگەنٸ قۇرايتىن بالاباقشا قۇرىلىسى «ابۋ-سەر» جشس ارقىلى مەملەكەتتٸك-جەكەمەنشٸك ەرٸپتەستٸك اياسىندا جٷرگٸزٸلەتٸن بولادى.
سوندىقتان, بيزنەستٸڭ ەلەۋمەتتٸك جاۋاپكەرشٸلٸگٸن ارتتىرۋعا مول ٷلەس قوسىپ جٷرگەن قۇرىلىس كومپانييا باسشىلارىنا, سىر قۇرىلىسشىلارىنا ايماق جۇرتشىلىعى اتىنان شەكسٸز العىسىمدى بٸلدٸرەمٸن.
ەلباسى ٶز سٶزٸندە «قازاقستاننىڭ شيرەك عاسىرداعى جٷرٸپ ٶتكەن جولىن تەك قىزىلوردا وبلىسىنىڭ ٶزٸنەن كٶرۋگە بولادى» دەگەن-دٸ. شىن مەنٸندە, مەملەكەتتٸك تاپسىرىستاردى ورىنداۋ بويىنشا دا, قىزىلوردا قالاسىنداعى قۇرىلىس جۇمىستارىنىڭ كٶلەمٸ جاعىنان دا ايماعىمىز استانادان كەيٸنگٸ ەكٸنشٸ ورىندى يەلەنٸپ تۇر.
مٸنە, بٷگٸنگٸ كٷن حالىقتىڭ يگٸلٸگٸ ٷشٸن جاسالىپ جاتقان تىڭ جوبالاردىڭ لايىقتى جالعاسى, سىردىڭ سول جاعالاۋىنان بوي كٶتەرگەن جاڭا قالا قۇرىلىسى باستالدى.
بٸزدٸڭ ايماعىمىزدا جاسالىپ جاتقان يگٸلٸكتٸ ٸستەردٸڭ بارلىعى دا ەلباسىنىڭ تٸكەلەي قولداۋىنىڭ جەنە حالىقتىڭ ەل-اۋقاتىن ارتتىرۋعا باعىتتالعان مەملەكەتتٸك باعدارلامالاردىڭ ناقتى كٶرٸنٸسٸ.
سول جاعالاۋداعى ەسەم قالادا بٸزدٸڭ ۇلتتىق تابيعاتىمىزدى ەسكە تٷسٸرەتٸن ناقىشتا قالانعان ٷيلەر بوي كٶتەرەدٸ. سونداي-اق, بۇل جەردە «بولاشاق» ۋنيۆەرسيتەتٸ, مۇنان كەيٸنگٸ كەزەكتە قورقىت اتا اتىنداعى ۋنيۆەرسيتەتتٸڭ بٸر وقۋ عيماراتى, 600 ورىندىق مەكتەپ, 500 كەلۋشٸگە قىزمەت ەتەتٸن ەمحانا, كٶرنەكتٸ نەكە سارايى سالىناتىن بولادى, – دەدٸ وبلىس ەكٸمٸ.
مۇنان سوڭ ايماق باسشىسى ەل اقساقالدارىمەن بٸرگە العاشقى كٶپقاباتتى ٷي مەن بالاباقشا ٸرگەتاسىن قالاۋ رەسٸمٸنە قاتىسىپ, ەندٸگٸ جەردە كٷن-تٷنٸ تولاستامايتىن ەڭبەك ىرعاعىن باستاپ بەردٸ.
