سىناقتان ٶتٸپ جاتقان قازاقستاندىق ۆاكتسينانىڭ نەتيجەسٸ سەۋٸر ايىندا شىعادى. بۇل تۋرالى قر دەنساۋلىق ساقتاۋ مينيسترٸ الەكسەي تسوي «حابار» ارناسىنە بەرگەن سۇحباتىندا ايتتى, دەپ حابارلايدى قازاقپارات.
«بٸز كوروناۆيرۋسقا قارسى ۆاكتسينالاۋدى 1 اقپاننان باستادىق. وسى كەزدە ەكپە جاسايتىن كابينەتتەردٸ ۇيىمداستىرىپ, ۆاكتسينانى دۇرىس تەمپەراتۋرادا ساقتاۋ ٶتە ماڭىزدى. وسى ۋاقىتقا دەيٸن ەلٸمٸزدە 59 000 ادامعا ۆاكتسينا ەگٸلدٸ», - دەيدٸ قر دەنساۋلىق ساقتاۋ مينيسترٸ الەكسەي تسوي.
ونىڭ ايتۋىنشا, قازٸرگٸ ۋاقىتتا قازاقستان ۆاكتسيناسى رەسمي تٷردە تٸركەلگەن برەندتەرمەن دە كەلٸسٸمگە كەلٸپ جاتىر.
«وسى ايدا 90 مىڭ قوسىمشا ۆاكتسينا جەتكٸزٸلدٸ, ەندٸ تاعى قوسىمشا 105 مىڭ ۆاكتسينا ٶندٸرٸلدٸ. 30 مىڭ ۆاكتسينانى تٸكەلەي رەسەيدەن الدىق. بۇدان بٶلەك, كەلەسٸ ايدان باستاپ 600 مىڭ ۆاكتسينا قاراعاندىداعى فارماتسەۆتيكالىق زاۆودتا ٶندٸرٸلەتٸن بولادى. سەۋٸر ايىندا قازاقستاندىق ۆاكتسيناعا قاتىستى نەتيجە قالاي بولاتىنىن كٶرەمٸز. ول دا قولدانىسقا ەنەتٸن بولادى. بٸزدٸڭ ماقسات - كٷزگە دەيٸن حالىقتىڭ باسىم بٶلٸگٸنە ۆاكتسينا ەگٸلۋٸ كەرەك», - دەيدٸ ول.
