مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ پويىز بيلەتتەرٸنٸڭ زاڭسىز ساتىلىمى مەسەلەسٸن كٶتەردٸ, دەپ حابارلايدى قازاقپارات تٸلشٸسٸ.
اگەنتتٸك ٶكٸلدەرٸ "جاسىرىن ساتىپ الۋشىلار" كٶمەگٸمەن زاڭسىز بيلەت ساتىلىمدارىن انىقتادى جەنە بەينەجازبالاردى جارييالادى.
"اگەنتتٸككە بيلەتتەردٸڭ زاڭسىز ساتىلىمى تۋرالى حابارلار كٶپتەپ تٷسۋدە, ينتەرنەت پەن ەلەۋمەتتٸك جەلٸدە دە تەمٸر جول كاسسالارىنان بيلەت تابۋ مەسەلەلەرٸ كٶتەرٸلٸپ جاتىر. 17 شٸلدەدەن باستاپ, قازاقستاننىڭ بارلىق ٶڭٸرٸندە "جاسىرىن ساتىپ الۋشىلار" ارقىلى مونيتورينگ جٷرٸپ جاتىر", - دەدٸ مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى ولجاس بەكتەنوۆ اگەنتتٸكتە ٶتكەن جينالىستا.
ونىڭ ايتۋىنشا, زاڭسىز الىپساتارلاردىڭ بيلەتتٸ اناعۇرلىم قىمبات باعاعا ساتاتىنى باياعىدان بەلگٸلٸ.
"جازعى ماۋسىمدا بيلەتكە تالاس باستالادى جەنە بەلگٸلٸ بٸر ادامدارعا جٷگٸنۋ ارقىلى وڭاي بيلەت تابۋعا بولادى. بٸز جٷرگٸزگەن مونيتورينگ وسىنى دەلەلدەدٸ. بارلىق ٶڭٸردە جۇمىس ٸستەدٸك. ەسٸرەسە, كۋرورتتىق ورىندارعا اپاراتىن بيلەتتەر زاڭسىز ساتىلىپ جاتىر. مۇنداي زاڭسىز وقيعالار استانا, الماتى جەنە اقمولا وبلىستارىندا بايقالدى. بۇل ٶتە جٷيەلٸ مەسەلە", - دەدٸ ولجاس بەكتەنوۆ.
سونداي-اق, بەكتەنوۆ اتالعان مونيتورينگ جۇمىستارىنىڭ الدىن الۋ شارالارى ەكەنٸن اتاپ ٶتتٸ.
"زاڭسىز الىپساتارلاردىڭ باسىم بٶلٸگٸ - جەكە تۇلعالار, ولاردىڭ ۆوكزال ەكٸمشٸلٸگٸمەن قانشالىقتى بايلانىس ورناتقانى ماڭىزدى بولىپ وتىر. مۇندا بٸرەۋدٸ ۇستاپ الىپ, جازالاۋ ماقسات ەمەس. بٸزدٸڭ مٸندەتٸمٸز - قوعامدى اشىقتىققا شاقىرۋ. قازٸر الدىن الا سىبايلاسۋ فاكتٸلەرٸنٸڭ بار-جوعى تۋرالى انىق ايتا المايمىن, سەبەبٸ ەشقانداي سوتقا دەيٸنگٸ تەرگەۋ جۇمىستارى جٷرگٸزٸلگەن جوق. بٸز جٷرگٸزگەن جۇمىستار الدىن الۋ شارالارى عانا", - دەپ ٶز سٶزٸن تٷيٸندەدٸ اگەنتتٸك ٶكٸلٸ.
