جىل سوڭىنا دەيٸن سۇيىتىلعان گاز باعاسى قىمباتتاۋى مٷمكٸن. بۇل تۋرالى مەجٸلٸستە ٶتكەن ٷكٸمەت ساعاتىنان كەيٸن باق ٶكٸلدەرٸنە بەرگەن سۇحباتىندا ەنەرگەتيكا مينيسترٸ بولات اقشولاقوۆ مەلٸمدەدٸ, دەپ حابارلايدى Ulysmedia.kz.
«تابيعي گازدىڭ باعاسىن بٸرلەسكەن بۇيرىقپەن بەكٸتكەنٸمٸزدٸ بٸلەسٸزدەر. ورتاشا دەڭگەيدە 8 پايىز ٶسەدٸ. ال, سۇيىتىلعان گازعا كەلسەك, جىل سوڭىنا دەيٸن زاڭدى تٷردە بەكٸتۋگە مٷمكٸندٸك جوق. بٸز ونى باقىلاۋعا الۋدى ماقسات ەتٸپ وتىرمىز. ٷكٸمەت بٸزدٸڭ مينيسترلٸككە, بەسەكەلەستٸكتٸ قورعاۋ جەنە دامىتۋ اگەنتتٸگٸنە, ۇلتتىق ەكونوميكا مينيسترلٸگٸنە وسىنداي مٸندەت جٷكتەپ وتىر», - دەدٸ اقشولاقوۆ.
ۆەدومستۆو باسشىسىنىڭ سٶزٸنشە, بۇل مەسەلەدە گاز ٶندٸرٸپ وتىرعان زاۋىتتاردىڭ دا جاعدايى ەسكەرٸلۋٸ كەرەك.
«قازٸر سۇيىتىلعان گازدىڭ ورتاشا باعاسى بٸر تونناسىنا 28 مىڭ تەڭگە. بۇل, ەرينە, ٶزٸندٸك قۇنىن اقتامايدى. بەكٸتٸلگەن باعا 28 مىڭ تەڭگە بولسا, ٶزٸندٸك قۇنى 60-90 مىڭ تەڭگەنٸڭ اراسىندا قۇبىلادى, ەر زاۋىتتا ەرقالاي. سوندىقتان بٸز ونى شامامەن كٶتەرۋٸمٸز كەرەك. كەلەسٸ 180 كٷندٸككە سۇيىتىلعان گازدىڭ باعاسى سەل ٶسۋٸ مٷمكٸن. ول 20 پايىزدان ارتىق ەمەس. مىسالى, قازٸر بٸر تونناسى 28 مىڭ تەڭگە بولسا, 36 مىڭ تەڭگە بولادى. باسقاشا ايتقاندا, كٶتەرمە باعا 1 ليترگە 27 تەڭگەدەن بولسا, 29 تەڭگە بولادى. جانارماي قۇيۋ ستانسالارىنداعى باعانى بٷكٸل قۇزٸرەتتٸ ورگاندار باقىلاۋىنا الادى. باعانى نەگٸزسٸز كٶتەرۋگە جول بەرٸلمەيدٸ. ونداي فاكتٸلەر بويىنشا تيٸستٸ شارالار قولدانىلادى», - دەدٸ مينيستر.
