نادييا قازاقستانعا 2020 جىلدىڭ كٷزٸندە كٶشٸپ كەلگەن. ورتاق تانىستارى ارقىلى بولاشاق جۇبايى - قازاقستان ازاماتىمەن ۋكرايناعا كەلگەندە تانىسقان. ارتىنشا, ولار الماتىعا تولىق كٶشەر الدىندا بٸرنەشە رەت ەلگە كەلگەن.
"كٶشەر الدىندا مەن ٷشٸن قيىنى اتا-انامنان جىراق كەتۋ بولعان شىعار. مەن وتباسىمداعى جالعىز بالامىن, اتا-انامدى جالعىز قالدىرعىم كەلمەدٸ. بٸراق دەگەنمەن ماحاببات بولعاندىقتان كەتۋ كەرەك بولدى. مەدەني ٶزگەرٸسكە بايلانىستى اسا الاڭدامادىم, سەبەبٸ بۇل جەردە كٶبٸ ورىس تٸلٸندە سٶيلەيتٸنٸن بٸلدٸم, تۋعان تٸلٸم ۋكراين تٸلٸ بولعانىمەن تٷسٸنەتٸنٸمدٸ بٸلدٸم. الايدا بەلگٸلٸ بٸر ورتاعا تٷسكەندٸكتەن قازاق تٸلٸن ٷيرەنگٸم كەلەتٸنٸن تٷسٸندٸم", - دەيدٸ نادييا.
ونىڭ سٶزٸنشە, الماتىعا كەلگەندە كٶرٸپ, تاڭعالعانى - تاۋلار. باستاپقىدا قاتتى تاڭعالعان. ول ٶسكەن جەرٸندە - ۋكراينانىڭ باتىسىندا تاۋلار بارىن, الايدا ولار مۇنداي ەمەس ەكەنٸن ايتادى. قازاقستاندىقتارمەن ارالاسۋدا ەشقانداي پروبلەما بولماعان, سەبەبٸ ادامدار ٶتە مەيٸرٸمدٸ كٶرٸنگەن.
نادييا جاڭا سٶزدەرمەن تانىسا كەلە بۇعان دەيٸن بەلگٸلٸ سٶزدەرگە ۇقساستارى بارىن اتاپ ٶتتٸ. ونىڭ سٶزٸنشە, "سٸرٸڭكە" سٶزٸ ۋكراين تٸلٸندەگٸ "سٸرنيكي" سٶزٸنە ۇقساس.
"قازاق تٸلٸندە ماعان قاتتى ۇناعانى - "جانىم" سٶزٸ. سەبەبٸ ول مەنٸڭ جانىم دەپ نەزٸك ەستٸلەدٸ. تاعى بٸر سٷيٸكتٸ سٶزٸم - "تەتە". سٸزدەردە كٶبٸنە بەيتانىس ەيەلدەرگە ايتىپ جاتادى, ال بٸزدە ولاي ەمەس", - دەيدٸ TikTok بلوگەر.
جەرگٸلٸكتٸ اسحانادان ۋكراينالىققا ۇناعانى - جىلقىنىڭ ەتٸنەن جاسالاتىن تاعامدار. نادييانىڭ سٶزٸنشە, باستاپقىدا "جىلقىنى جەۋ ايانىشتى" بولعان. الايدا بٸر كٷنٸ جىلقىنىڭ ەتٸن بايقاماي جەپ قويعان, دەگەنمەن ونىڭ دەمٸ ناديياعا ۇناعان.
