جىل سايىن 25 ٶنەركەسٸپتٸك تاۋارلىق سٷت فەرماسى پايدالانۋعا بەرٸلەدٸ. بۇل تۋرالى اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«2020 جىلى زاماناۋي تسيفرلىق تەحنولوگييالار قولدانىلاتىن 25 ٶنەركەسٸپتٸك تاۋارلىق سٷت فەرمالارى, 3 ەت كومبيناتى, 8 قۇس فابريكاسى سالىنادى. سونىمەن بٸرگە, 2000 گەكتارعا باق وتىرعىزۋ جوسپارلانۋدا, جامبىل وبلىسىندا قانت زاۋىتىنىڭ قۇرىلىسى باستالىپ كەتتٸ. بۇل جوبالاردىڭ بارلىعى بويىنشا ٶتكەن جىلى دايىندىق جۇمىستارى جٷرگٸزٸلدٸ, ناقتى ينۆەستورلار ايقىندالىپ, قازٸرگٸ ۋاقىتتا قارجىلاندىرۋ مەسەلەسٸ شەشٸلۋدە», - دەپ توقتالدى س. وماروۆ پارلامەنت مەجٸلٸسٸندەگٸ ٷكٸمەت ساعاتىندا.
ونىڭ سٶزٸنە قاراعاندا, ٷش جىل ٸشٸندە ٸرٸمشٸك پەن سٷزبە ٶندٸرٸسٸ 16,2 پايىزعا ۇلعايىپ, 29,5 مىڭ توننانى قۇرادى. قامتاماسىز ەتٸلۋ 54,8 پايىزدان 57 پايىزعا دەيٸن ٶستٸ.
«بۇل رەتتە, ەلٸمٸزدە شامامەن 5,8 ملن توننا سٷت ٶندٸرٸلگەنٸمەن, سٷت زاۋىتتارىنىڭ جٷكتەلۋٸ قازٸر شامامەن 65 پايىزدى قۇرايدى. وسىعان بايلانىستى, جىل سايىن 25 ٶنەركەسٸپتٸك تاۋارلىق سٷت فەرماسىن ەنگٸزۋ ارقىلى سٷت ٶندٸرٸسٸن قارقىندى فورماتقا اۋىستىرۋ ۇسىنىلادى. بۇل جىل سايىن قوسىمشا 120 مىڭ تونناعا دەيٸن سٷت ٶندٸرۋگە جەنە 1250 جۇمىس ورنىن قۇرۋعا مٷمكٸندٸك بەرەدٸ. وسى ٷشٸن قارجىلاندىرۋدىڭ جەڭٸلدەتٸلگەن شارتتارى پايدالانىلاتىن بولادى», - دەدٸ ۆەدومستۆو باسشىسى.
بۇل شارالاردى ٸسكە اسىرۋ ەسەبٸنەن 5 جىل ٸشٸندە سٷت زاۋىتتارىنىڭ تولىق جٷكتەلۋٸن قامتاماسىز ەتۋ جوسپارلانۋدا.
