ەڭبەك نارىعىندا سۇرانىسقا يە 28 جاڭا ماماندىق مەملەكەتتٸك تاپسىرىس ارقىلى وقىتىلادى. بۇل تۋرالى بٷگٸن ٷكٸمەت وتىرىسىندا «نەتيجەلٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋ باعدارلاماسى» تۋرالى بايانداعان بٸلٸم جەنە عىلىم ۆيتسە-مينيسترٸ بيبٸگٷل اسىلوۆا ايتتى, دەپ حابارلايدى قازاقپارات تٸلشٸسٸ.
«كادرلاردى وقىتۋداعى مەملەكەتتٸك تاپسىرىستىڭ قۇرىلىمى ٶڭٸرلەردٸڭ سۇرانىسىنا سەيكەس ٶزگەرتٸلدٸ. مىسالى قىزمەت كٶرسەتۋ, اۋىل شارۋاشىلىعى جەنە كٶلٸك سالالارى بويىنشا كادرلاردى وقىتۋ 10 پايىزدان اسا ٶستٸ. جۇمىس بەرۋشٸلەردٸڭ ۇسىنىسىمەن ەڭبەك نارىعىندا سۇرانىسقا يە 28 جاڭا ماماندىق مەملەكەتتٸك تاپسىرىسقا ەنگٸزٸلدٸ», - دەدٸ ۆيتسە-مينيستر.
ونىڭ اتاپ ٶتۋٸنشە, وقۋ پروتسەسٸنە 246 مودۋلدٸك وقۋ باعدارلاماسىن ەنگٸزۋ ارقىلى كادرلاردى دايىنداۋ مازمۇنى جەنە مەملەكەتتٸك جالپى بٸلٸم بەرۋ ستاندارتى ٶزگەرتٸلدٸ. بۇل بيزنەسكە دۋالدى وقىتۋدا 80 پايىزعا دەيٸن, دەستٷرلٸ بٸلٸم بەرۋدە 50 پايىزعا دەيٸن ٶزگەرٸستەر ەنگٸزۋگە مٷمكٸندٸك بەرەدٸ.
«باعدارلامانىڭ بارلىق قاتىسۋشىلارىنا شەكٸرتاقى, ىستىق تاماق جەنە جولاقى قاراستىرىلعان. باعدارلامانى قارجىلاندىرۋ ٷشٸن رەسپۋبليكالىق بيۋدجەتتەن قوسىمشا 17,2 ملرد تەڭگە بٶلٸنٸپ, جەرگٸلٸكتٸ بيۋدجەتتەرگە جٸبەرٸلدٸ», - دەدٸ بيبٸگٷل اسىلوۆا.
