مارييا دۋمان "تٷركييا داۋىسى" بايقاۋىنا قاتىسىپ, تەلٸمگەرلەردٸ تاڭعالدىردى, - دەپ حابارلايدى Tengrinews.kz.
كٶرمەي تىڭداۋ كەزٸندە مارييام مەكسيكالىق ەنشٸ دجۋلەتا ۆەنەگاستىڭ Me Voy ەنٸن ورىندادى. تالقىلاۋدان كەيٸن ول تٷركيياداعى تانىمال ەنشٸ مۇرات بوزۋدىڭ كومانداسىن تاڭدادى.
"بۇعان جەتۋ ٷشٸن ۇزاق دايىندالدىم, ۇمتىلدىم. قاتتى ۋايىمدادىم. ٶمٸر ماعان كەز كەلگەن نەتيجەنٸ قابىلداۋدى ٷيرەتتٸ. ارماندار ورىندالادى. بٸراق بۇل مەن ٷشٸن باسى عانا", - دەدٸ ەنشٸ.
مارييا دۋمان Superstar KZ تەلەۆيزييالىق جوباسىنىڭ تٶرتٸنشٸ ماۋسىمىندا فيناليستەردٸڭ وندىعىندا ٶنەر كٶرسەتٸپ, تانىمال بولدى. سودان كەيٸن X-Factor جوباسىنىڭ جارتىلاي فينالىنا قاتىسۋشىسى بولدى. جوبالارعا قاتىسقاننان كەيٸن تەلەباعدارلامالاردا جٷرگٸزۋشٸ بولىپ, بٸرنەشە وتاندىق تەلەحيكايالاردا دا ويناعان. ول "قارا شاڭىراق", "قىزدار", "شىرماۋىق", "كٶرشٸلەر" سەكٸلدٸ تەلەحيكايالار مەن فيلمدەردە باستى رٶلدٸ سومداعان. قازٸر ستامبۋلدا تۇرىپ, جەكە كەسٸپپەن اينالىسادى.
