Mariia Dýman "Túrkiia daýysy" baiqaýyna qatysyp, tálimgerlerdi tańǵaldyrdy, - dep habarlaidy Tengrinews.kz.
Kórmei tyńdaý kezinde Mariiam meksikalyq ánshi Djýleta Venegastyń Me Voy ánin oryndady. Talqylaýdan keiin ol Túrkiiadaǵy tanymal ánshi Murat Bozýdyń komandasyn tańdady.
"Buǵan jetý úshin uzaq daiyndaldym, umtyldym. Qatty ýaiymdadym. Ómir maǵan kez kelgen nátijeni qabyldaýdy úiretti. Armandar oryndalady. Biraq bul men úshin basy ǵana", - dedi ánshi.
Mariia Dýman Superstar KZ televiziialyq jobasynyń tórtinshi maýsymynda finalisterdiń ondyǵynda óner kórsetip, tanymal boldy. Sodan keiin X-Factor jobasynyń jartylai finalyna qatysýshysy boldy. Jobalarǵa qatysqannan keiin telebaǵdarlamalarda júrgizýshi bolyp, birneshe otandyq telehikaialarda da oinaǵan. Ol "Qara shańyraq", "Qyzdar", "Shyrmaýyq", "Kórshiler" sekildi telehikaialar men filmderde basty róldi somdaǵan. Qazir Stambýlda turyp, jeke kásippen ainalysady.
