فوتو: تۇرار قازانعاپوۆ
پرەمەر-مينيستردٸڭ ورىنباسارى – قر ساۋدا جەنە ينتەگراتسييا مينيسترٸ باقىت سۇلتانوۆتىڭ ٸسساپارلارى كٶپ جاعدايدا ەكونوم-كلاسسپەن جٷرگٸزٸلەدٸ. بۇل تۋرالى مينيسترلٸكتٸڭ باسپاسٶز قىزمەتٸ تٷسٸنٸكتەمە بەردٸ, دەپ حابارلايدى قازاقپارات.
«بيزنەس-كلاسس تەك شۇعىل جاعدايدا, ەكونوم-كلاسس بيلەتتەرٸ بولماعان كەزدە عانا جاسالعان. قر ٷكٸمەتٸنٸڭ 2018 جىلعى 11 مامىرداعى «بيۋدجەت قاراجاتى ەسەبٸنەن قىزمەتتٸك ٸسساپارلارعا, ونىڭ ٸشٸندە شەت مەملەكەتتەرگە ٸسساپارلارعا ارنالعان شىعىنداردى ٶتەۋ قاعيدالارىن بەكٸتۋ تۋرالى» №256 قاۋلىسىنا سەيكەس, پرەمەر-مينيستردٸڭ ورىنباسارلارىنا بيزنەس-كلاسس تاريفٸ بويىنشا ەۋە كٶلٸگٸمەن ۇشۋعا رۇقسات بەرٸلەدٸ», - دەپ تٷسٸندٸردٸ ساۋدا جەنە ينتەرگاتسييا مينيسترلٸگٸنٸڭ باسپاسٶز قىزمەتٸ.
سونىمەن بٸرگە, ۆەدومستۆو بيىلعى اقپان ايىندا الماتى قالاسى مەن الماتى وبلىسىنداعى جۇمىس ساپارىنا جەكە توقتالدى.
«وسى ناقتى جاعدايدا مەسەلەلەردٸ سول جەردە شەشۋ ٷشٸن بٸرقاتار مٷددەلٸ مەملەكەتتٸك ورگان ٶكٸلدەرٸنەن تۇراتىن دەلەگاتسييانىڭ ۇشىپ شىعۋى قاجەت بولعانىن اتاپ ٶتكەن جٶن. وسىعان بايلانىستى ارنايى بورت («بٷركٸت» مەملەكەتتٸك اۆياكومپانيياسى» ليتەرلٸك رەيسٸ) پايدالانىلدى. اقپان ايىنداعى الماتىعا جۇمىس ساپارى قىرعىز رەسپۋبليكاسى ٷكٸمەتٸمەن حالىقارالىق كەلٸسسٶزگە جەنە قىرعىز رەسپۋبليكاسى مەن رەسەي فەدەراتسيياسى دەلەگاتسييالارىمەن ٷشجاقتى كەلٸسسٶزگە بايلانىستى بولدى», - دەپ جازىلعان رەسمي جاۋاپتا.
بۇل ٸسساپاردا قازاقستاندىق دەلەگاتسييا قۇرامىنا بٸرقاتار مٷددەلٸ مەملەكەتتٸك ورگانداردىڭ ٶكٸلدەرٸ كٸرگەن.
قازاقستان تاراپىن پرەمەر-مينيستردٸڭ ورىنباسارى – ساۋدا جەنە ينتەگراتسييا مينيسترٸ باقىت سۇلتانوۆ, قىرعىز دەلەگاتسيياسىن مينيسترلەر كابينەتٸ تٶراعاسىنىڭ بٸرٸنشٸ ورىنباسارى ارزىبەك كوجوشەۆ باستاعان.
رەسەي دەلەگاتسيياسىندا رەسەي قارجى مينيسترٸنٸڭ ورىنباسارى - ستاتس حاتشىسى الەكسەي سازانوۆ جەنە كەدەن, سالىق قىزمەتتەرٸنٸڭ باسشىلىعى بولعان.
«ولار قازاقستان-قىتاي شەكاراسىنداعى «نۇر جولى» ٶتكٸزۋ بەكەتٸنە, «قورعاس-شىعىس قاقپاسى» ەركٸن ەكونوميكالىق ايماعىنا جەنە «قورعاس» شىحو-عا بارعان. باستى ماقسات – جٷك تاسىمالىنىڭ بٸرىڭعاي ەلەكتروندىق كەزەگٸنٸڭ پروبلەمالارىن شەشۋ جەنە جٷك تاسىمالداۋدىڭ جەكە وپەراتورلارىن الىپ تاستاۋ ارقىلى ولاردىڭ قۇنىن ەدەۋٸر تٶمەندەتۋ بولعان. ايتا كەتەيٸك, شۇعىل مەسەلەلەردٸ شەشۋگە ەكٸ كٷن عانا ۋاقىت بەرٸلدٸ. وسىعان بايلانىستى جەدەل جەتۋ ماقساتىندا وسىنداي جاعدايلارعا ارنالعان ارنايى بورت پايدالانىلدى», - دەيدٸ مينيسترٸك.
جالپى جىل باسىنان بەرٸ باقىت سۇلتانوۆ شامامەن 15 جۇمىس ٸسساپارىنا بارعان. ولاردىڭ كٶپشٸلٸگٸ شەتەلدٸك ٸسساپارلار, ونىڭ ٸشٸندە مەملەكەت باسشىسىنىڭ ساپارى دا بار.
بۇعان دەيٸن Telegram-داعى ProTenge ارناسىندا بۇل تۋرالى اقپارات جارييالانعان, وندا باقىت سۇلتانوۆ بيۋدجەتتەن الماتى وبلىسىنا ەكٸ كٷندٸك ٸسساپارىنا 9,6 ميلليون تەڭگە جۇمسادى دەلٸنگەن ەدٸ.
17 مامىردا ۆيتسە-پرەمەر ەرالى توعجانوۆ جۋرناليستٸڭ "مينيسترلەردٸڭ ميلليونداعان قاراجاتقا جاساعان ٸسساپارلارى" تۋرالى سۇراعىنا جاۋاپ بەرە وتىرىپ, قازاقستاندىق مينيسترلەردٸڭ جەكە ۇشاقتارى جوعىن, سوندىقتان رەيس ۇشاقتارىمەن ۇشاتىنىن مەلٸمدەگەن بولاتىن.
