الاشوردانىڭ 100 جىلدىعىنا ارنالعان حالىقارالىق عىلىمي-تەجٸريبەلٸك كونفەرەنتسييادا «الاش جەنە دەربەستٸك مۇراتىنىڭ جالعاستىعى» اتتى بايانداما جاساعان قر پارلامەنت مەجٸلٸسٸنٸڭ دەپۋتاتى قۋانىش سۇلتانوۆ ەلٸمٸزدەگٸ مەملەكەتتٸك تٸلدٸڭ دامىماي وتىرۋىنىڭ سەبەبٸن ايتتى, دەپ حابارلايدى Baq.kz اقپارات اگەنتتٸگٸ.
«بٸز بٷگٸن حح عاسىردىڭ باسىندا ۇلت بوستاندىعى مەن اعارتۋشىلىق مٷددەسٸنە بٸرٸككەن الاش ٷكٸمەتٸنٸڭ قايراتكەرلەرٸنٸڭ رۋحىنا تاعزىم ەتٸپ, ولاردىڭ يدەيالارى مەن ارماندارىن ساراپتاپ, بٷگٸنگٸمٸزدٸ باعالاپ, ەرتەڭٸمٸزدٸ ايقىنداۋ ٷشٸن پٸكٸر قوسۋعا جينالدىق. ەلباسىنىڭ قۇتتىقتاۋىنىڭ ەر سٶزٸنە كٶپ ماعىنا سىيىپ تۇر. نۇرسۇلتان ەبٸشۇلى تەۋەلسٸزدٸگٸمٸزدٸڭ العاشقى كەزەڭٸنەن باستاپ, ۇلتتىق مەملەكەت جەنە ونىڭ تەۋەلسٸزدٸك يدەياسىن تەرەڭ زەرتتەپ, زەردەلەۋدٸڭ ماڭىزدىلىعىنا نازار اۋداردى. جاڭا دەۋٸردەگٸ مەملەكەتٸمٸزدٸڭ قاتاڭ دا قايىرىمسىز بەسەكەلەستٸككە قابٸلەتتٸ بولۋىن, قايشىلىقتى جاھاندىق قۇبىلىستارعا جۇتىلىپ كەتپەي, جاعادا قالىپ قويماي, ٶركەندەۋگە ٸلەسە الساق قانا ۇلتىمىز مەڭگٸ ەل بولارىنا ايرىقشا ەكپٸن بەرٸپ كەلەدٸ», - دەيدٸ دەپۋتات ٶز بايانداماسىندا.
سونىمەن قاتار ول الاش كٶسەمدەرٸنٸڭ كەڭەس ٷكٸمەتٸمەن تەرەزەسٸ تەڭ قازاق اۆتونوميياسى دەڭگەيٸندە كەلٸسسٶزدەر جاساي وتىرىپ, تەۋەلسٸز مەملەكەت قۇرۋ يدەياسىن جٷزەگە اسىرۋعا تىرىسقانىن ايتتى.
«الايدا كەلٸسٸم دە, سەنٸم دە ۇزاققا بارمادى. الاش ٷكٸمەتٸ ٷش جىلعا جۋىق مەرزٸمدە تاراتىلىپ, الاش قايراتكەرلەرٸن, ولاردىڭ ەۋلەتٸن, وتباسى مٷشەلەرٸن ۇزاق مەرزٸمگە سوزىلعان قۋعىنداۋ – بولشەۆيكتەر ٷكٸمەتٸنٸڭ قانقۇيلى تەسٸلٸنە اينالدى. الاش ٷكٸمەتٸنٸڭ يدەياسىن جارىققا شىعارىپ, تەركٸلەنگەن تاريحىمىزدى قالپىنا كەلتٸرۋ مٷمكٸندٸگٸ 1991 جىلى عانا تۋدى», - دەيدٸ ول.
كەشەگٸ تاريح پەن بٷگٸنگٸ كەلبەتتٸ سالىستىرعان دەپۋتات بولاشاققا قادام باسۋ ٷشٸن ەكٸ كەزەڭدٸ ۇشتاستىرعاندا عانا ۇتاتىنىمىزدى ەسكەرتتٸ.
«وسى 25 جىلدا الاشتانۋشىلار سالاسى قۇرىلدى. الاش تاريحىنا بايلانىستى مىڭداعان ماقالالار, زەرتتەۋلەر جارىق كٶردٸ. بۇل دا تەۋەلسٸزدٸكتٸڭ جارقىراعان كٶرٸنٸسٸ. تەۋەلسٸزدٸك, بوستاندىق, تەڭ قۇقىقتىق, جاسامپازدىق بٸزدٸڭ زاماننان ۇرپاققا قالدىرار - اسىل مۇرا, امانات. ٶكٸنٸشكە قاراي, بٸز ەلٸ كٷنگە مەملەكەتتٸڭ تەۋەلسٸزدٸك يدەياسىن جارناما دەڭگەيٸندە عانا پايدالانىپ, ونىڭ ٸشكٸ مازمۇنىنا تەرەڭ بويلاي الماي جاتىرمىز. بەيقامدىعىمىز باسىم. تەۋەلسٸزدٸك الدىق, ەندٸگەرٸ وسىلاي تۇرا بەرەدٸ دەگەن وي كٶپ. وسى مەسەلەلەردٸ قوزعاپ, ەلباسى حالىقتىڭ ساناسىنا قوزعاۋ تٷسٸرگەن سول ماقالاسىنىڭ (رۋحاني جاڭعىرۋ - اۆت) نەگٸزگٸ ماقساتى دا وسىنى ەسكەرتۋ, ەر قازاقتىڭ ساناسىنا جەتكٸزۋ. جاس ۇرپاق ساناسىنا ەلٸن, ۇلتىن, انا تٸلٸن, وتانىن سٷيۋگە تەربيەلەۋدٸ ساياسي ناسيحات دەپ تٷسٸنەمٸز. وتانشىلدىق تۋرالى ەڭگٸمەنٸ ساياسات دەپ قابىلدايمىز», -دەيدٸ ول.
سونىمەن قاتار قۋانىش سۇلتانۇلى بٷگٸنگٸ تاڭدا مەملەكەتتٸك تٸلدٸ مەنسٸنبەيتٸندەردٸڭ كٶبەيگەنٸن ايتتى.
«ٶز الدىمىزعا مەملەكەت بولىپ, ٶز تٸلٸمٸزگە مەملەكەتتٸك تٸل دەپ مەرتەبە بەرٸپ, قازاق مەكتەپتەرٸن كٶبەيتٸپ, جوو قازاق تٸلٸندەگٸ مەندەردٸ تيٸمدٸ ەتۋگە پەرمەن بەرٸپ تۇرعان دەۋٸردە ٷلكەنٸ بار, كٸشٸسٸ بار ەلٸ كٷنگە كٶپ وتانداستارىمىزدىڭ قازاق تٸلٸندە سٶيلەمەي, سٶيلەگٸسٸ كەلمەي جٷرگەنٸ ۇلتتىق سانانىڭ تٶمەندٸگٸ دەر ەدٸم. كەيدە تٸل مەسەلەسٸنە بٸرەۋ كٸنەلٸ, بيلٸك پەن ٷكٸمەت كٸنەلٸ دەپ جاتادى. بۇعان ەربٸر ازاماتتىڭ ٶزٸ جاۋاپتى ەكەنٸن تٷسٸنەر جاعدايعا جەتە العانىمىز جوق. الاش يدەياسىن زەرتتەۋدە الاشتانۋشىلار مەن عالىمدار, بٷكٸل قوعام بولىپ, ۇلتتىق تٸلٸمٸزدٸڭ مەرتەبەسٸن كٶتەرۋٸمٸز كەرەك», - دەيدٸ دەپۋتات.
