قر پرەمەر-مينيسترٸنٸڭ ورىنباسارى – ساۋدا جەنە ينتەگراتسييا مينيسترٸ باقىت سۇلتانوۆ «Amanat» پارتيياسىنىڭ رەسپۋبليكالىق قوعامدىق قابىلداۋىندا بٸرقاتار ٶڭٸر تۇرعىندارىن قابىلدادى. بۇل تۋرالى primeminister.kz سايتى حابارلادى.
ەكٸ ساعاتتان استام ۋاقىتقا سوزىلعان قابىلداۋدا پرەمەر-مينيستردٸڭ ورىنباسارى 6 ازاماتتىڭ مەسەلەسٸن قارادى. استانا, الماتى, قىزىلوردا جەنە پەتروپاۆل قالالارىنىڭ, شىعىس قازاقستان جەنە اقتٶبە وبلىستارىنىڭ تۇرعىندارى ٶزدەرٸن تولعاندىراتىن مەسەلەلەرٸن جەتكٸزدٸ.
كەزدەسۋدە قوسىلعان قۇن سالىعى بويىنشا تٸركەۋ شەگٸن تٶمەندەتۋدٸ ەسكەرە وتىرىپ, قوعامدىق تاماقتانۋ سالاسىنداعى سالىق ساياساتى, كٶكشەتاۋ قالاسى مەن وبلىستى گازداندىرۋ جوباسىن جٷزەگە اسىرۋ جەنە قارجىلاندىرۋ تەتٸگٸن انىقتاۋ, سونداي-اق الماتىدا قىتايدان كەلەتٸن تەحنيكا مەن قوسالقى بٶلشەكتەردٸڭ كٶرمەسٸن ٶتكٸزۋ جەنە تاعى باسقا مەسەلەلەر تالقىلاندى.
باقىت سۇلتانوۆ شقو ەكٸمدٸگٸنە ٶسكەمەن قالاسى تۇرعىندارىنا ارنالعان, جەكە بيزنەس سالىپ جاتقان قىسقى ويىن-ساۋىق كەشەنٸنە ٶندٸرٸستٸك ينفراقۇرىلىم جٷرگٸزۋ جەنە ەلەكتر بەرۋ جەلٸسٸن مونتاجداۋ مەسەلەسٸن قاراۋ مەرزٸمٸن سوزباۋدى تاپسىردى.
قارجى مينيسترلٸگٸنە «Amanat» پارتيياسىنىڭ قوعامدىق قابىلداۋلارىندا قوعامدىق تاماقتانۋ كەسٸپورىندارى (قر مكك) ٷشٸن سالىق سالۋ (ارنايى سالىق رەجيمٸ جەنە ققس بويىنشا ەسەپكە قويۋ) مەسەلەلەرٸ بويىنشا اۋقىمدى تٷسٸندٸرۋ جۇمىستارىن جٷرگٸزۋدٸ تاپسىردى. سونداي-اق ول جۇمىسقا «اتامەكەن» ۇكپ تارتۋ قاجەتتٸگٸ ايتىلدى.
«بٸزدٸڭ كەسٸپكەرلەر ققس رەجيمٸ قوعامدىق تاماقتانۋ سالاسىنىڭ بارلىق قاتىسۋشىلارىنا ەسەر ەتەدٸ دەپ قاۋٸپتەنەدٸ. بٷگٸن قارجى مينيسترلٸگٸنەن بٸرنەشە كەسٸپكەر ققس-قا كٶشۋ شارتتارى بويىنشا تولىق تٷسٸنٸكتەمە الدى. ەندٸ مۇنى نارىقتىڭ بارلىق قاتىسۋشىلارىنا مٸندەتتٸ تٷردە تٷسٸندٸرۋ قاجەت. وعان سالالىق قاۋىمداستىقتارىن, بٸرٸنشٸ كەزەكتە مەيرامحانا بيزنەسٸ قاۋىمداستىعىن تارتۋ قاجەت», — دەدٸ ب. سۇلتانوۆ.
سونداي-اق, ۆيتسە-پرەمەر اقتٶبە ەكٸمدٸگٸنە قالا تۇرعىنى كٶتەرگەن مەسەلەنٸ شەشۋ بويىنشا (ورىندالعان جۇمىستىڭ اكتٸلەرٸنە قول قويۋ بيۋروكراتييا سالدارىنان ۇزاپ جاتىر دەپ شاعىمداندى) بەرگەن تاپسىرماسىن پارتييالىق باقىلاۋعا الۋعا شاقىردى.
باقىت سۇلتانوۆ بارلىق ٶتٸنٸشتەرگە تولىق جاۋاپ بەردٸ. «Amanat» پارتيياسىنىڭ قابىلداۋ بٶلمەسٸندە كٶتەرٸلگەن بارلىق مەسەلەلەر پرەمەر-مينيستر ورىنباسارىنىڭ جەكە باقىلاۋىنا الىندى. جاۋاپتى تۇلعالارعا تيٸستٸ تاپسىرمالار بەرٸلدٸ.
