سۋداندا التىن كەنٸشٸندەگٸ اپات سالدارىنان 40-تان استام ادام قازا تاپتى. بۇل دەرەكتٸ سەرسەنبٸ كٷنٸ Al Arabiya تەلەارناسى كەلتٸردٸ, دەپ حابارلايدى قازاقپارات.
تەلەارنانىڭ اقپاراتىنا سەيكەس, قازٸرگٸ كەزدە قۇتقارۋشىلار امان قالعانداردى تابۋ ماقساتىندا ٸزدەۋ جۇمىستارىن جالعاستىرىپ جاتىر. بۇعان دەيٸن كەن ورنىندا 46 ادام بولعانى تۋرالى حابارلانعان.
جەكسەنبٸ كٷنٸ باتىس كوردوفان شتاتىنداعى ەن-نۋحۋد اۋدانىنداعى ۋمم-دارسايا جەكە مەنشٸك التىن كەنٸشٸندە اپات بولعان. بٸردەن بٸرنەشە ۇڭعىما وپىرىلىپ تٷسكەن, سالدارىنان جەردٸڭ استىندا بولعان كەنشٸلەر جوعارىعا شىعا الماي قالعان.
بۇل قازبا ورنى بۇرىننان بەرٸ اپاتتى دەپ سانالعان. قاڭتاردا جىنىستاردىڭ وپىرىلۋىنان تٶرت كەنشٸ قازا تااپقان ەدٸ. بۇدان بۇرىن بيلٸك كەنٸشتە جۇمىس جٷرگٸزۋگە تىيىم سالىپ, نىسانعا ارنايى كٷزەت قويعان. الايدا شامامەن ەكٸ اي بۇرىن كٷزەت شاحتادان كەتكەن كەزدە جۇمىسشىلار قايتادان كەلٸپ, زاڭسىز التىن ٶندٸرۋدٸ جالعاستىرعان.
