فوتو: Ukimet.kz
استانانىڭ مەدەنيەت باسقارماسىنىڭ بۇرىنعى باسشىسى بولات ماجاعۇلوۆ پەن مەردٸگەر ۇيىم ٶكٸلٸنە قاتىستى سوت شەشٸمٸ جارييالاندى, دەپ حابارلايدى Ult.kz.
سوت بولات ماجاعۇلوۆتى اسا ٸرٸ كٶلەمدە بيۋدجەت قاراجاتىن جىمقىرعانى ٷشٸن قىلمىستىق كودەكستٸڭ 189-بابى 4-بٶلٸگٸنٸڭ 2-تارماعى بويىنشا كٸنەلٸ دەپ تانىدى. وعان ەسٸل ٶزەنٸندەگٸ "كٷن" سۋبۇرقاعىنىڭ قۇرىلىسىنا بٶلٸنگەن 1 ميلليارد تەڭگەدەن استام قاراجاتتى يەمدەندٸ دەگەن ايىپ تاعىلدى.
"2016 جىلى استانا كٷنٸن مەرەكەلەۋگە ارنالعان "كٷن" سۋبۇرقاعىن سالۋ كەزٸندە سۋبۇرقاقتىڭ قۇرىلىسىنا كەلٸسٸم-شارتتار مەملەكەتتٸك ساتىپ الۋ رەسٸمٸن جٷرگٸزبەي جاسالعان. سۋبۇرقاق جوبالىق-سمەتالىق قۇجاتتاماسىز جەنە مەملەكەتتٸك ساراپتامادان ٶتپەي تۇرعىزىلعان", – دەلٸنگەن سوت حابارلاماسىندا.
سوت شەشٸمٸمەن مەدەنيەت باسقارماسىنىڭ ەكس-باسشىسى بولات ماجاگۇلوۆ 8 جىل 6 ايعا سوتتالدى.
ٸس بويىنشا تاعى بٸر ايىپتالۋشى, مەردٸگەر ۇيىمنىڭ ٶكٸلٸ مەدي قاناپين 3 جىل التى ايعا باس بوستاندىعىنان ايىرىلدى. سونداي-اق ول مەملەكەت قارجىسىن جىمقىرۋ (قك 189-بابىنىڭ 4-بٶلٸگٸ, 2-تارماعى) جەنە قىلمىس جاساۋعا جەردەمدەسۋ (قر قك-نٸڭ 28-بابى 5-بٶلٸگٸ) بويىنشا كٸنەلٸ دەپ تانىلدى.
سونداي-اق سوت ماجاعۇلوۆ پەن قاناپيننەن 1 ميلليارد 86 ميلليون تەڭگە كٶلەمٸندەگٸ شىعىندى ٶندٸرۋ تۋرالى شەشٸم شىعاردى.
پروكۋراتۋرا بۇرىنعى مەدەنيەت باسقارماسىنىڭ باسشىسى بولات ماجاعۇلوۆقا اسا ٸرٸ مٶلشەردە سەنٸپ تاپسىرىلعان مٷلٸكتٸ جىمقىرعانى ٷشٸن 10 جىلعا باس بوستاندىعىنان ايىرۋدى سۇراعان ەدٸ. بولات ماجاعۇلوۆ ٶتكەن جىلدىڭ قىركٷيەگٸندە قاماۋعا الىنعان بولاتىن.
