سۋرەت: تجم باسپاسٶز قىزمەتٸ
تٶتەنشە جاعدايلار جٶنٸندەگٸ بٸرٸنشٸ ۆيتسە-مينيستر يبراگيم كٷلشٸمباەۆ سۋ تاسقىنىنان زارداپ شەككەن قازاقستاندىقتارعا ٶتەماقى قالاي تٶلەنەتٸنٸن ايتتى, دەپ حابارلايدى Sputnik قازاقستان.
"ەگەر ٷيدٸ سۋ باسقان بولسا, ٶتەماقى تٶلەۋ تۋرالى ٶتٸنٸش قارالادى. تٶتەنشە جاعدايلارعا جەرگٸلٸكتٸ بيۋدجەتتەن قاراجات قاراستىرىلعان. جەرگٸلٸكتٸ بيۋدجەت قاراجاتى جەتكٸلٸكسٸز بولسا, رەسپۋبليكالىق بيۋدجەتتەن قوسىمشا قاراجات بٶلٸنەدٸ.
كەلتٸرٸلگەن شىعىندى انىقتاۋ ٷشٸن ارنايى كوميسسييا قۇرىلادى. كەيٸن ٶتەماقى تٶلەنەدٸ", - دەدٸ ۆيتسە-مينيستر.
ونىڭ ايتۋىنشا, سۋ باسۋ ىقتيمالدىعى جوعارى ٶڭٸرلەردە – الماتى, جامبىل, تٷركٸستان جەنە جەتٸسۋ وبلىستارىندا ەۆاكۋاتسييالاۋ پۋنكتەرٸ ۇيىمداستىرىلعان.
سونداي-اق بريفينگ بارىسىندا ۆيتسە-مينيستر "قازگيدرومەت" بولجامىنا بايلانىستى وڭتٷستٸك گارنيزونداردىڭ بارلىق اۋماقتىق بٶلٸمشەلەرٸ جوعارى دايىندىق رەجيمٸنە ٶتكەنٸن ايتتى.
"سۋدى اعىزۋ ٷشٸن 13 مىڭعا جۋىق قاپ كونتەينەرٸ تٶسەلدٸ. تٶرت جٷزدەن استام جەكە قۇرام مەن 71 تەحنيكا جۇمىلدىرىلدى. تٷركٸستان وبلىسىنا كٶمەككە شىمكەنت گارنيزونىنىڭ كٷشتەرٸ مەن قۇرالدارى دا جٸبەرٸلدٸ. قازٸرگٸ ۋاقىتتا جاعداي تۇراقتاندى. 200-دەن استام ادام ەۆاكۋاتسييالاندى, ونىڭ ٸشٸندە 111 بالا تۋىستارىنا ورنالاستىرىلدى. قازٸر ولار ٷيلەرٸنە ورالىپ جاتىر", - دەدٸ ۆيتسە-مينيستر.
سونداي-اق قۇتقارۋشىلار ازاماتتارعا ٶز اۋلالارىن قاردان, سۋارۋ ارىقتارىن قوقىس پەن مۇزدان تازارتۋ قاجەتتٸگٸن ەسكەرتتٸ.
