sýret: TJM baspasóz qyzmeti
Tótenshe jaǵdailar jónindegi birinshi vitse-ministr Ibragim Kúlshimbaev sý tasqynynan zardap shekken qazaqstandyqtarǵa ótemaqy qalai tólenetinin aitty, dep habarlaidy Sputnik Qazaqstan.
"Eger úidi sý basqan bolsa, ótemaqy tóleý týraly ótinish qaralady. Tótenshe jaǵdailarǵa jergilikti biýdjetten qarajat qarastyrylǵan. Jergilikti biýdjet qarajaty jetkiliksiz bolsa, respýblikalyq biýdjetten qosymsha qarajat bólinedi.
Keltirilgen shyǵyndy anyqtaý úshin arnaiy komissiia qurylady. Keiin ótemaqy tólenedi", - dedi vitse-ministr.
Onyń aitýynsha, sý basý yqtimaldyǵy joǵary óńirlerde – Almaty, Jambyl, Túrkistan jáne Jetisý oblystarynda evakýatsiialaý pýnkteri uiymdastyrylǵan.
Sondai-aq brifing barysynda vitse-ministr "Qazgidromet" boljamyna bailanysty ońtústik garnizondardyń barlyq aýmaqtyq bólimsheleri joǵary daiyndyq rejimine ótkenin aitty.
"Sýdy aǵyzý úshin 13 myńǵa jýyq qap konteineri tóseldi. Tórt júzden astam jeke quram men 71 tehnika jumyldyryldy. Túrkistan oblysyna kómekke Shymkent garnizonynyń kúshteri men quraldary da jiberildi. Qazirgi ýaqytta jaǵdai turaqtandy. 200-den astam adam evakýatsiialandy, onyń ishinde 111 bala týystaryna ornalastyryldy. Qazir olar úilerine oralyp jatyr", - dedi vitse-ministr.
Sondai-aq qutqarýshylar azamattarǵa óz aýlalaryn qardan, sýarý aryqtaryn qoqys pen muzdan tazartý qajettigin eskertti.
