تاسقىن كەزەڭٸندە «قازەۋەقۇتقارۋ» مەكەمەسٸنٸڭ تٸكۇشاقتارى قىزمەت كٶرسەتەدٸ, دەپ حابارلايدى قازاقپارات.
تٶتەنشە جاعداي مينيسترلٸگٸنٸڭ تٶتەنشە جاعدايلاردىڭ الدىن الۋ دەپارتامەنتٸنٸڭ باستىعى رۋستامبەك ەمرين وسىلاي مەلٸم ەتتٸ.
«اقمولا, باتىس قازاقستان, شىعىس قازاقستان, سولتٷستٸك قازاقستان, قاراعاندى جەنە پاۆلودار وبلىستارىندا ەرٸگەن قار سۋىن سورۋ, قورعاۋ بٶگەندەرٸن نىعايتۋ جەنە توپىراق سالىنعان قاپتاردى تٶسەۋ, ٶزەندەردەگٸ مۇزدى كەسۋ جۇمىستارى بەلسەندٸ جٷرگٸزٸلۋدە. سۋ تاسقىنى جاعدايىن جەدەل باقىلاۋ ٷشٸن «قازاقستان عارىش ساپارى ۇك» اق عارىش مونيتورينگ دەرەكتەرٸ پايدالانىلادى. ٶزەن باسسەيندەرٸنٸڭ تاسقىنعا قاۋٸپتٸ ۋچاسكەلەرٸندە اەروۆيزۋالدى زەرتتەۋ تۇراقتى نەگٸزدە جٷرگٸزٸلەدٸ», - دەدٸ ول ورتالىق كوممۋنيكاتسييالار قىزمەتٸندە ٶتٸپ جاتقان بريفينگٸدە.
مينيسترلٸك ٶكٸلٸنٸڭ ايتۋىنشا, تاسقىن ماۋسىمىنا ٶرت سٶندٸرۋ-قۇتقارۋ بٶلٸمشەلەرٸنٸڭ, ٸشكٸ ٸستەر ورگاندارىنىڭ, ازاماتتىق قورعانىس جەنە ۇلتتىق ۇلان ەسكەري بٶلٸمدەرٸنٸڭ جەكە قۇرامىنان 10 مىڭنان استام ادام مەن 1,8 مىڭنان استام تەحنيكا جۇمىلدىرىلعان.
«سۋ باسۋ قاۋپٸ از ٶڭٸرلەردەن قوسىمشا رەزەرۆتٸك توپتار جاساقتالدى. ولاردىڭ جالپى سانى 1047 ادام, 121 تەحنيكا, 47 جٷزۋ قۇرالى جەنە 127 موتوپومپا. سونداي-اق كٶكشەتاۋ تەحنيكالىق ينستيتۋتىنىڭ جيىنتىق جاساعى مەن «قازاۆياقۇتقارۋ» اق تٸكۇشاقتارى جوعارى دايىندىققا كەلتٸرٸلدٸ. زارداپ شەككەن حالىققا پالاتالى لاگەر ورناتۋ ٷشٸن تجم جەدەل رەزەرۆٸنٸڭ مٷلكٸ مەن تەحنيكاسى دايىندالدى. ولاردى جەتكٸزۋ جەنە ورناتۋ ٷشٸن كٷشتەر مەن قۇرالدار ەسەبٸ جاسالدى», - دەدٸ رۋستامبەك ەمرين.
