قوستاناي وبلىسىنىڭ امانكەلدٸ اۋدانىنداعى 12 اۋىلعا جول جوق. تەك تٸكۇشاقپەن عانا قاتىناۋعا بولادى, دەپ حابارلايدى «ۇلت اقپارات» 24 ارناعا سٸلتەمە جاساپ.
كەيٸنگٸ ٷش-تٶرت كٷندە ول جاققا ازىق-تٷلٸك, تۇرمىستىق زاتتار ەۋە ارقىلى جەتكٸزٸلٸپ جاتىر. امانكەلدٸ اۋدانى ورتالىعىنىڭ ستاديونى سوڭعى ٷش-تٶرت كٷندە ۇشاق الاڭىنا اينالدى. سۋ قورشاۋىندا قالعان اۋىلدارعا ازىق-تٷلٸك تەك وسى جەردەن جەتكٸزٸلەدٸ.
سۋ قۇرساۋىندا قالعان اۋىلدارعا تٸكۇشاقپەن كەزەكتٸ كٶمەك اپارا جاتىر. بۇل جولى الاكٶل, قابىرعا جەنە جاڭاتاس اۋىلدارىنا ۇن, ت.ب. ازىق-تٷلٸكتەر, باسقا دا قاجەتتٸلٸكتەرٸ, گۋمانيتارلىق كٶمەك جەتكٸزٸلدٸ. ال قايتاردا ول قاۋٸپتٸ ايماقتاردان 16 ادام ەۆاكۋاتسييالاندى.
قابىرعا اۋىلىندا مالدارىن قارايلاپ ونشاقتى ەر ادام قالعان. تاسقىن سۋ قورشاۋىندا قالعان ەلدٸ مەكەندەردٸڭ بٸرٸ – جاڭاتاي اۋىلى. مۇندا ونشاقتى ٷي بار. وسى اۋىلدان ون ادام ەۆاكۋاتسييالاندى. نەگٸزٸنەن ەيەلدەر مەن بالالار.
قازٸر امانكەلدٸ اۋدانىندا سۋ تاسقىنى بەسەڭدەگەنٸ بايقالادى. ال ٶڭٸردٸڭ ورتالىق, سولتٷستٸك بٶلٸگٸندە ەندٸ قارقىن الادى دەگەن بولجام بار.
«قازٸرگٸ كەزدە قاراسۋ, ەۋليەكٶل, ناۋىرزىم, قامىستى, سارىكٶل, مەڭدٸقارا, ۇزىنكٶل اۋداندارىندا سۋ تاسۋ قاۋپٸ بار. سونداي-اق رەسەيدەن مول سۋ كەلۋٸ مٷمكٸن. مامانداردىڭ ايتۋىنشا كٶرشٸ ەلدەن كەلەتٸن مول سۋ بٸرٸنشٸ كەزەكتە جٸتٸقارا اۋدانىنا كٷردەلٸ جاعداي تۋدىرۋى ەبدەن ىقتيمال», - دەيدٸ قوستاناي وبلىستىق تجد مامانى ۆلاديسلاۆ كوۆاليوۆ.
